សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី៣ មិថុនា បានបដិ
សេធសេចក្ដីរាយការណ៍ដែលថា លោកត្រូវបានគេអមការពារនាំចូលទៅក្នុងជម្រកសន្តិសុខក្រោមដីនៃសេតវិមានដោយសារតែបាតុកម្មពុះកញ្ជ្រោលនៅខាងក្រៅសេតវិមាន ដោយលោកអះអាងថា លោកចុះទៅកាន់ទីនោះគ្រាន់តែដើម្បីត្រួតពិនិត្យធម្មតាមួយប៉ុណ្ណោះ ។
យោងតាមកាសែតញូវយ៉កថែមថា លោកដូណាល់ ត្រាំ ត្រូវបាននាំដោយតក់ក្រហល់ចូលទៅក្នុងជម្រកក្រោមដីកាលពីយប់ថ្ងៃទី២៩ ឧសភា ដោយភ្នាក់ងារសម្ងាត់ក្នុងឱកាសនៃបាតុកម្មមួយ
នៅមុខនិវេសនដ្ឋានផ្លូវការរបស់លោក ប្រឆាំងអំពើអយុត្តិធម៌ប្រកាន់ពូជសាសន៍ក្រោយការបាត់បង់ជីវិត នៅក្រុងមីននីប៉ូលីសរបស់លោកGEORGE FLOYD ដែលដាច់ខ្យល់ក្រោមការយកជង្គង់សង្កត់កគេរបស់ប៉ូលិសស្បែក.សម្នាក់ ។
តាម FOX NEWS RADIO លោកត្រាំ អះអាងថា នោះជាព័ត៌មានក្លែងក្លាយមួយ ។ លោក
បញ្ជាក់ថា នាថ្ងៃនោះលោកបានចូលទៅកាន់ទីនោះរយៈពេលដ៏ខ្លីបំផុតមួយប៉ុណ្ណោះ ។ ខ្ញុំចុះទៅ
មើលនាពេលថៃ្ង ហើយពុំមានបញ្ហាអ្វីឡើយ ។ ខ្ញុំបានអានអត្ថបទនានាហើយខ្ញុំគិតថា នោះជាព័ត៌មានក្លែងក្លាយដ៏ធំមួយ ព្រោះវាពុំមានបញ្ហាអ្វី្វឡើយ ។
គឺក្នុងរូងក្រោមដីសន្តិសុខនោះដែលអនុប្រធានាធិបតីលោក DICK CHENEY ត្រូវគេជម្លៀសចូលក្រោយការវាយប្រហារភេរវកម្មថ្ងៃទី១១កញ្ញា ឆ្នាំ២០០១ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ