ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា ការប្រុងប្រយ័ត្ននៃការរីករាលដាលនៃជំងឺកូវីដ១៩ បានបណ្តាលឱ្យសាកលវិទ្យាល័យនានានៅប្រទេសចិន អនុម័តវិធីសាស្ត្រមិនធម្មតាមួយចំនួន ដើម្បីបង្រៀនសិស្ស និស្សិតឱ្យហែលទឹក។…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា ការប្រុងប្រយ័ត្ននៃការរីករាលដាលនៃជំងឺកូវីដ១៩ បានបណ្តាលឱ្យសាកលវិទ្យាល័យនានានៅប្រទេសចិន អនុម័តវិធីសាស្ត្រមិនធម្មតាមួយចំនួន ដើម្បីបង្រៀនសិស្ស និស្សិតឱ្យហែលទឹក។
នៅសាកលវិទ្យាល័យមួយនៅ Chengdu និស្សិតដែលចុះឈ្មោះចូលរៀនថ្នាក់ហែលទឹក ត្រូវបានគេណែនាំឱ្យយកផ្តិលទឹកធំមួយល្មមនឹងអាចដាក់មុខចូលបាន រួចយកទៅដាក់នៅក្បែរអាងហែលទឹកដែលរីងស្ងួតគ្មានទឹក និងអនុវត្តបច្ចេកទេសដកដង្ហើមក្រោមការណែនាំរបស់គ្រូ។
គ្រូបានពន្យល់ថា ខណៈដែលថ្នាក់លើបញ្ជាឱ្យការពារសិស្សទាំងអស់គ្នាមិនឱ្យចូលក្នុងអាងហែលទឹកជាមួយគ្នានៅពេលមានការព្រួយបារម្ភពីការឆ្លងជំងឺកូវីដ១៩ ប៉ុន្តែរូបគាត់នៅតែអាចបង្រៀនពួកគេឱ្យចេះប្រើដង្ហើម និងហែលទឹកតាមរបៀបកែច្នៃថ្មីនេះបានដដែល។
ជាមួយគ្នានេះដែរ និស្សិតនៅសាកលវិទ្យាល័យមួយផ្សេងទៀត បានរៀនហែលទឹកតាមអនឡាញ ដែលធ្វើឱ្យគ្រប់គ្នាស្ទើរតែមិនជឿថា អាចរៀនតាមវិធីនេះបាន៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ