អាមេរិក៖ ការស្លាប់របស់បុរសស្បែកខ្មៅ George Floyd ក្រោយត្រូវបានសង្កត់.ក ដោយប៉ូលិសអាមេរិកស្បែកសកំពុងបង្កនូវចលាចលពាសពេញអាមេរិក តាំងពីថ្ងៃទី២៥ ខែឧសភា ឆ្នាំ២០២០ រហូតមានតារាល្បីៗជាច្រើនដួងក៏ចេញមុខប្រតិកម្មចំពោះរឿងនេះផងដែរ…
អាមេរិក៖ ការស្លាប់របស់បុរសស្បែកខ្មៅ George Floyd ក្រោយត្រូវបានសង្កត់.ក ដោយប៉ូលិសអាមេរិកស្បែកសកំពុងបង្កនូវចលាចលពាសពេញអាមេរិក តាំងពីថ្ងៃទី២៥ ខែឧសភា ឆ្នាំ២០២០ រហូតមានតារាល្បីៗជាច្រើនដួងក៏ចេញមុខប្រតិកម្មចំពោះរឿងនេះផងដែរ ។
ការប្រឆាំង ការតវ៉ា រហូតក្លាយជាកុបកម្ម ការប្លន់ ការវាយបំផ្លាញនូវហាងទំនិញផ្សេងៗ បានកើតមានធ្វើឲ្យដូណាល់ ត្រាំ ប្រធានាធិបតីអាមេរិកប្រកាសប្រើកម្លាំងយោធាធ្ងន់ធ្ងរបង្ក្រាបក្រុមបាតុករ។ រឿងរ៉ាវចលាចលនៅទឹកដីអាមេរិកពេលនេះ គឺកើតលមានឡើង បន្ទាប់ពីការបែកធ្លាយវីដេអូឃ្លីប បង្ហាញពី ប៉ូលីសស្បែកសម្នាក់នៅក្នុងទីក្រុង Minneapolis បានលុតជង្គង់សង្កត់.ក បុរសជនជាតិស្បែកខ្មៅលោក George Floyd ប្រមាណជិត ៩នាទី រហូតដល់ស្លាប់នៅនឹងកន្លែងបើទោះបីជាបុរសរងគ្រោះស្រែកប្រាប់ថាខ្លួនពិបាកដកដង្ហើមក៏ដោយ។
ដើមហេតុដំបូងគឺម្ចាស់ហាងមួយកន្លែងបានប្តឹងប៉ូលីសដោយ ចោទបុរសស្បែកខ្មៅ វ័យ ៤៦រូបនេះថាបានបន្លំលុយក្លែងក្លាយប្រភេទក្រដាស់ប្រាក់ ២០ដុល្លារអាមេរិក នៅក្នុងហាងទំនិញមូយកន្លែង ។
បន្ទាប់ពីបានបែកធ្លាយវីដេអូឃ្លីបមួយនោះ បានធ្វើអោយតារាល្បីៗលំដាប់ពិភពលោកជាច្រើនដូចជា Lady Gaga, Rihanna និង Beyonce បានចេញមុននិយាយពីការស្លាប់របស់លោក George Floyd បន្ទាប់ពីស្ថានការណ៍តានតឹងមួយនេះមិនទាន់ធូរស្បើយនៅឡើយ។
តារាចម្រៀង Beyonce បានបង្ហោះវីដេអូនៅលើ Instagram ដោយបានលើកឡើងថា« យើងខូចចិត្ត និងខ្ពើមរអើម ដោយខ្ញុំមិនមែននិយាយតែមនុស្សជនជាតិស្បែកខ្មៅនោះទេ បើទោះបីជាស្បែកខ្មៅ ឬស្បែកស ពណ៌សម្បុរអ្វីក៏ដោយ ខ្ញុំដឹងថាអ្នកមានអារម្មណ៍ឈឺចាប់អស់សង្ឃឹម ដោយសារតែការរើសអើងនៅតែមាននៅក្នុងអាមេរិក»៕
តារាចម្រៀងបែបស៊ិចសី Lady Gaga តារាស្រីស្បែកស និយមតែងកាយប្លែកៗក៏បានលើកឡើងថា« យើងគួរតែផ្តល់ស្រលាញ់ដ៏អ្នកស្បែកខ្មៅ ដោយបញ្ឍប់អំពើហិង្សា ដោយជ្រើសយកការដោះស្រាយណាមួយដោយត្រឹមត្រួវ ពីព្រោះជនជាតិស្បែកខ្មៅនៅអាមេរិកនៅតែមានការរើសអើង»។
ចំណែកឯ តារាចម្រៀង Rihanna ដែលនាងផ្ទាល់ជាជនជាតិស្បែកខ្មៅផងដែរនោះបានលើឡើងថា «ខ្ញុំបានឃើញប្រជាជនរបស់ខ្ញុំត្រូវគេសម្លាប់និងជាន់ឈ្លីពីមួយថ្ងៃទៅមួយថ្ងៃ ធ្វើឲ្យខ្ញុំមានអារម្មណ៍ថាឈឺចាប់ខ្លាំងណាស់ ដែលជាហេតុត្រូវនៅឆ្ងាយពីសង្គមកន្លងមក»។
នៅក្នុងនោះផងដែរក៏មាន តារាលំដាប់ពិភពលោកជាច្រើនទៀត បានបង្ហោះសារ ទៅដល់ការបាតុកម្ម មួយនេះ ដោយក្នុងនោះ មានដូចជា Justin Bieber Taylor Swif Ariana Grande និង selena gomez ជាដើម បូករួមទាំងតារាលំដាប់ពិភពលោកជាច្រើនទៀងផងដែរ៕
ចែករំលែកព័តមាននេះ