អេស្ប៉ាញ គិតគូរចង់បន្តការដាក់ប្រទេសក្នុងគ្រាអាសន្ន
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្បាញ លោក Pedro Sánchez មានក្តីរីករាយយ៉ាងខ្លាំង…
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្បាញ លោក Pedro Sánchez មានក្តីរីករាយយ៉ាងខ្លាំង…
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្បាញ លោក Pedro Sánchez មានក្តីរីករាយយ៉ាងខ្លាំង ជាមួយនឹងលទ្ធផលដ៏អស្ចារ្យនៃប៉ុន្មានសប្តាហ៍ចុងក្រោយនេះ អំពីការធ្លាក់ចុះនៃករណីឆ្លងជំងឺកូវីដ១៩ នៅក្នុងប្រទេស។ ក្នុងអំឡុងពេលសន្និសីទសារព័ត៌មានកាលពីថ្ងៃអាទិត្យ លោកនាយករដ្ឋមន្ត្រីបានមានប្រសាសន៍ថា៖ «យើងមិនអាចបន្ធូរអារម្មណ៍បានទេ ព្រោះតែជំងឺនេះគឺនៅមានវត្តមាននៅក្នុងប្រទេសយើងនៅឡើយ»។
លោកនាយករដ្ឋមន្ត្រីបានប្រកាសថា រដ្ឋាភិបាលរបស់លោកនឹងគិតគូរបន្តការដាក់ប្រទេសក្នុងគ្រាអាសន្នរយៈពេល១៥ថ្ងៃបន្តទៀត។
លោកបានពន្យល់ថា៖ «យើងត្រូវការ១៥ថ្ងៃទៀត ដើម្បីបញ្ចប់ភាពអាសន្ននេះតាមលក្ខណៈជាក់លាក់»។
លោក Sánchez ក៏បានប្រកាសផងដែរថា ចាប់ពីថ្ងៃទី៨ ខែមិថុនា រដ្ឋាភិបាលនឹងផ្ទេរការទទួលខុសត្រូវនៃដំណើរការលុបបំបាត់ការកើនឡើងជំងឺកូវីដ១៩ ដល់រដ្ឋាភិបាលក្នុងតំបន់ក្នុងតំណាក់កាលទី៣។
រដ្ឋាភិបាលកណ្តាលនឹងរក្សាការគ្រប់គ្រងលើការចេញចូលរបស់ប្រជាជន នៅពេលដែលតំបន់ឈានដល់ដំណាក់កាលទី៣ នៃការរឹតបន្តឹង៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ