ប្រទេសបារាំង ៖ យោងតាមAFPថា មនុស្សជាង៦លាននាក់ហើយត្រូវបានជំរឿនឃើញជាផ្លូវការថា ឆ្លងវីរុសCOVID-19លើពិភពលោក ក្នុងនោះ២ភាគ៣នៅអឹរ៉ុប និងសហរដ្ឋអាមេរិក ក្នុងពេលដែលការបន្ធូរបន្ថយការរិតត្បិតនៅបន្តគ្រប់ទីកន្លែង ចាប់ពីក្រុងប៉ារីសដល់ក្រុងញុវដែល្លី៊។ ការឆ្លងរាលដាលនៃវីរុសនោះបណ្ដាលឲ្យមនុស្សស្លាប់យ៉ាងតិច៣៦៦.៨៤៨នាក់ហើយលើពិភពលោក…
ប្រទេសបារាំង ៖ យោងតាមAFPថា មនុស្សជាង៦លាននាក់ហើយត្រូវបានជំរឿនឃើញជាផ្លូវការថា ឆ្លងវីរុសCOVID-19លើពិភពលោក ក្នុងនោះ២ភាគ៣នៅអឹរ៉ុប និងសហរដ្ឋអាមេរិក ក្នុងពេលដែលការបន្ធូរបន្ថយការរិតត្បិតនៅបន្តគ្រប់ទីកន្លែង ចាប់ពីក្រុងប៉ារីសដល់ក្រុងញុវដែល្លី៊។
ការឆ្លងរាលដាលនៃវីរុសនោះបណ្ដាលឲ្យមនុស្សស្លាប់យ៉ាងតិច៣៦៦.៨៤៨នាក់ហើយលើពិភពលោក ក្នុងនោះជិតពាក់កណ្ដាលប្រមាណជា១៧៧.៥៩៥នាក់ នៅទ្វីបអឹរ៉ុប ដែលនៅទីនោះមានអ្នកឆ្លងប្រមាណជា២លាននាក់។
សហរដ្ឋអាមេរិកនៅតែជាប្រទេស ដែលមានចំនួនអ្នកឆ្លងនិងអ្នកស្លាប់ច្រើនជាងគេ ដោយអ្នកឆ្លងឡើងដល់១.៧៦០.៧៤០នាក់និងអ្នកស្លាប់កើនដល់១០៣.៤៧២នាក់។ តែនៅអាមេរិកឡាទីនពិសេសនៅប្រេស៊ីល វីរុសកំពុងឆ្លងរាលដាលយ៉ាងរហ័សជាមួយអ្នកឆ្លង ប្រមាណជា៤៥.០០០នាក់ រយៈពេល២៤ម៉ោងចុងក្រោយនេះ នាំឲ្យចំនួនអ្នកឆ្លងសរុបឡើងដល់ ជិត១លាននាក់ក្នុងនោះស្លាប់ជាង៥០.០០០នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ