ភាគរយកាន់តែខ្ពស់សម្រាប់ Bayern ក្រោយឆក់បាន៣ពិន្ទុពី Dortmund
ក្រុម Borussia Dortmund ទទួលរងបរាជ័យក្នុងផ្ទះខ្លួនឯង ដោយចាញ់ក្រុមភ្ញៀវ Bayern Munich ដោយលទ្ធផល ១-០ ក្នុងជំនួបដ៏ធំប្រចាំសប្តាហ៍ទី…
ក្រុម Borussia Dortmund ទទួលរងបរាជ័យក្នុងផ្ទះខ្លួនឯង ដោយចាញ់ក្រុមភ្ញៀវ Bayern Munich ដោយលទ្ធផល ១-០ ក្នុងជំនួបដ៏ធំប្រចាំសប្តាហ៍ទី…
ក្រុម Borussia Dortmund ទទួលរងបរាជ័យក្នុងផ្ទះខ្លួនឯង ដោយចាញ់ក្រុមភ្ញៀវ Bayern Munich ដោយលទ្ធផល ១-០ ក្នុងជំនួបដ៏ធំប្រចាំសប្តាហ៍ទី ២៨ នៃក្របខណ្ឌ Bundesliga ។
ការប្រកួតដែលធ្វើឡើងក្នុងកីឡដ្ឋានគ្មានអ្នកគាំទ្រទស្សនា Westfalenstadion ក្រុមភ្ញៀវបានបើកការនាំមុខមុន ដែលរកបានដោយខ្សែការពារ Joshua Kimmich នៅនាទី៤៣ ចុងវគ្គទីមួយ ។ មួយគ្រាប់នេះបានរក្សារហូតដល់បញ្ចប់ការប្រកួត ដោយធ្វើឲ្យក្រុម Bayern Munich មាន ៦៤ពិន្ទុផ្តាច់ខ្លួនចំនួន ៧ពិន្ទុនៅកំពូលតារាងបណ្តោះអាសន្នលើក្រុម Borussia Dortmund ។
ក្រុមលោក Hansi Flick កាន់តែមានភាគរយខ្ពស់ក្នុងការគ្រងជើងឯក Bundesliga រដូវកាលនេះ ខណៈនៅសល់តែ៦ប្រកួតទៀតប៉ុណ្ណោះ នឹងបញ្ចប់រដូវកាល ។
ក្រោយបញ្ចប់ការប្រកួតនេះ លោក Lucien Favre គ្រូបង្វឹកក្រុមម្ចាស់ផ្ទះ បានមានប្រសាសន៍យ៉ាងដូច្នេះថា «ខ្ញុំគិតថាពួកយើងធ្វើបានល្អសម្រាប់ប្រកួតនេះ ។ យើងអាចឈ្នះ ឬយ៉ាងហោចណាស់ក៏ទទួលបានលទ្ធផលស្មើគ្នាដែរ។ វានឹងពិបាកក្នុងការប្រជែងដណ្តើមជើងឯក។ ដើម្បីទទួលបាន ៧ ពិន្ទុក្នុង ៦ ប្រកួតបន្ទាប់ នោះវាពិតជារឿងដ៏លំបាកណាស់» ។
ដោយឡែកគ្រូបង្វឹកក្រុមភ្ញៀវ លោក Hansi Flick ក៏បានថ្លែងឱ្យដឹងថា «យើងចង់ឈ្នះ និងបោះជំហានទៅមុខក្នុងថ្ងៃនេះ។ យើងបានទទួលជោគជ័យ។ ខ្ញុំពិតជារីករាយជាមួយនឹងការលេងរបស់កូនក្រុម។ យើងបានធ្វើការផ្តោតអារម្មណ៍ខ្ពស់ និងការប្រុងប្រយ័ត្នបំផុត។ គុណភាពខ្ពស់របស់ក្រុមយើងគឺមានទាំងការហ្វឹកហាត់ និងការប្រកួតផ្ទាល់» ។
ងាកមកកាន់អ្នករកជ័យជម្នះសម្រាប់ជំនួបនេះ Joshua Kimmich ក៏បានថ្លែងឱ្យដឹងផងដែរថា «ឥឡូវយើងមានឪកាសល្អជាងក្រុម Dortmund ។ វាប្រៀបដូចជារឿងដ៏ឃោរឃៅមួយនៅថ្ងៃនេះ។ វានឹងមានការលំបាកខាងផ្លូវចិត្តសម្រាប់ Dortmund ។ ហើយពួកយើងត្រូវតែបន្តធ្វើបែបនេះ សម្រាប់ប្រកួតបន្ទាប់»៕ (ដកស្រង់ចេញពី fcbayern)
ចែករំលែកព័តមាននេះ