រាជធានីភ្នំពេញ ៖ តំណាងសហព័ន្ធកីឡាបាល់ទាត់កម្ពុជា និង គណៈកម្មការប្រកួតបាល់ទាត់ជាតិ កម្ពុជា បានបើកកិច្ចប្រជុំជាមួយក្លិបបាល់ទាត់ទាំង១៣ ស្តីអំពីការរៀបចំពានរង្វាន់សម្តេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ តំណាងសហព័ន្ធកីឡាបាល់ទាត់កម្ពុជា និង គណៈកម្មការប្រកួតបាល់ទាត់ជាតិ កម្ពុជា បានបើកកិច្ចប្រជុំជាមួយក្លិបបាល់ទាត់ទាំង១៣ ស្តីអំពីការរៀបចំពានរង្វាន់សម្តេចអគ្គមហាសេនាបតីតេជោ ហ៊ុន សែន និងពានរង្វាន់មិត្តហ្វូនខេមបូឌានលីគឆ្នាំ២០២០ ក្រោយពីសម្រាកអស់រយៈពេលជាច្រើន ខែដោយសារបញ្ហាជំងឺកូវីដ-១៩ ។
ក្រោយកិច្ចប្រជុំបានបញ្ចប់ សហព័ន្ធបាល់ទាត់កម្ពុជាមិនទាន់ប្រកាសអំពីការកំណត់ថ្ងៃប្រកួតវិញនៅឡើយនោះទេ ដោយសារតែមានករណីឆ្លងថ្មីបន្ថែមទៀត ប៉ុន្តែគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ ជម្រាបជូនក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ ដោយយោងតាមចំណារឯកភាពរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ដែលបានចុះថ្ងៃទី២១ ឧសភា ក្រោយក្រសួងសុខាភិបាល ក្រសួងទេសចរណ៍ និងក្រសួងអប់រំ យុវជន និងកីឡា បានបើកកិច្ចប្រជុំរួចឱ្យមានសកម្មភាពកីឡាឡើងវិញ ។
ដូច្នេះហើយ ការប្រកួតក្របខណ្ឌបាល់ទាត់លំដាប់កំពូលរបស់កម្ពុជា Metfone Cambodian League សប្ដាហ៍ទី៦ រួមទាំងពានរង្វាន់សម្តេច ហ៊ុន សែន នាវគ្គ៨ក្រុម ថ្នាក់ខេត្តអាចវិលមកវិញពេលណារង់ចាំសេចក្តីប្រកាសជាសាធារណៈរបស់សហព័ន្ធកីឡាបាល់ទាត់កម្ពុជា ធ្វើការសម្រេច ក្រោយបញ្ចប់កិច្ចប្រជុំខាងលើនារសៀលថ្ងៃទី២៥ ខែឧសភា ឆ្នាំ២០២០សិន៕
ចែករំលែកព័តមាននេះ