ស្ត្រីម្នាក់យកកូនស្រីទៅផ្ញើអ្នកជិតខាងឱ្យជួយមើល ដូចយកកូនចូលមាត់ខ្លា

ថ្ងៃទី ២៦ ខែ ឧសភា ឆ្នាំ ២០២០
ម៉ោង ២០:៤០
វ៉ាន់ ប៊ុនធឿន

ខេត្តស្វាយរៀង ៖ បើតាមសេចក្តីរាយការណ៍បានឱ្យដឹងថា ក្មេងស្រីម្នាក់អាយុទើបតែ៦ឆ្នាំ ត្រូវម្តាយយកទៅផ្ញើនឹងអ្នកជិតខាង ព្រោះតែជាប់រវល់ទៅធ្វើកម្មកររោងចក្រ ដូចយកកូនទៅឲ្យយុវជន៣នាក់ចាប់បំពាន ក្រោយមកក៏ត្រូវសមត្ថកិច្ចអាវុធហត្ថចាប់ឃាត់ខ្លួនបាន២នាក់ នៅថ្ងៃទី២៥ ខែឧសភា ឆ្នាំ២០២០នេះ។

សេចក្តីរាយការណ៍បន្តថា ជនសង្ស័យទាំង៣នាក់ខាងលើ ទី១-ឈ្មោះ គឹម ឈៀង ភេទប្រុស អាយុ២០ឆ្នាំ មុខរបរកសិករ រស់នៅភូមិរាមជោ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។ ២-ឈ្មោះ គឹម ហេង ភេទប្រុស អាយុ២៦ឆ្នាំ មុខរបរកសិករ រស់នៅភូមិរាមជោ ឃុំស្វាយតាយាន ស្រុកកំពង់រោទិ៍ ចំណែកទី៣-ឈ្មោះ គឹម ស្រស់ ភេទប្រុស បានរត់គេចខ្លួនបាត់។

បើតាមមន្ត្រីអាវុធខេត្តបានឲ្យដឹងថា មុនកើតហេតុ កាលពីម៉ោង៨ព្រឹក ថ្ងៃទី២៤ ខែឧសភា មានស្ត្រីជាម្តាយរបស់កុមារីរងគ្រោះបានមកដាក់ពាក្យបណ្តឹងនៅកងរាជអាវុធហត្ថខេត្ត ដោយចោទថា បុរសទាំង៣ខាងលើនេះ បានចាប់បំពានសេពសន្ថវៈទៅលើកូនស្រីរបស់ខ្លួនកាលពីថ្ងៃទី១៨ និងថ្ងៃទី២២ ខែឧសភា ឆ្នាំ២០២០។

មន្ត្រីកងរាជអាវុធខេត្តបន្តទៀតថា ក្រោយពីទទួលពាក្យបណ្តឹង និងមានការអនុញ្ញាតពីលោកមេបញ្ជាការកងរាជអាវុធហត្ថខេត្ត បានបញ្ជាឲ្យកម្លាំងកងរាជអាវុធហត្ថធ្វើការស្រាវជ្រាវ រហូតដល់ម៉ោង១០និង៣០នាទី នៅចំណុចភូមិរាមជោ ឃុំស្វាយតាយាន ស្រុកកំពង់រោទិ៍ ក៏ធ្វើការឃាត់ខ្លួនជនសង្ស័យបានចំនួន២នាក់ នាំមកបញ្ជាការដ្ឋានអាវុធហត្ថខេត្តស្វាយរៀង ដើម្បីធ្វើការសាកសួរ ចំណែកឈ្មោះគឹម ស្រស់ រត់គេចខ្លួនបាត់។

មន្ត្រីអាវុធហត្ថដដែលបន្តថា តាមចម្លើយរបស់កុមារីរងគ្រោះបានឲ្យដឹងថា ក្នុងខែឧសភានេះ (មិនចាំថ្ងៃ) ម្តាយរបស់ខ្លួនយកខ្លួនទៅផ្ញើនៅផ្ទះយាយជា រួចហើយម្តាយខ្លួនទៅធ្វើការរោងចក្រ បន្ទាប់មកខ្លួនក៏ទៅទិញនំនៅជិតផ្ទះនោះ លុះទិញនំរួចហើយក៏ដើរត្រឡប់មកវិញ ។

ប្រភពដដែលបន្តថា ពេលនោះឈ្មោះហេង ក៏ហៅខ្លួនថា មកងួតទឹកអត់ គាត់បូមទឹកដាក់អាង ពេលនោះខ្លួនឆ្លើយងូត ខណៈពេលកំពុងតែងួតទឹក ស្រាប់តែត្រូវឈ្មោះហេងនោះចង់បំពាននាង តែមិនសម្រេច ហើយឈ្មោះហេងក៏ថា កុំប្រាប់អ្នកណាឲ្យដឹង ពេលនោះខ្លួនក៏មិនបានឆ្លើយតបវិញទេ ហើយខ្លួនក៏ដើរមកក្នុងផ្ទះយាយជាវិញ ចំណែកឈ្មោះហេងនោះក៏ដើរតាមពីក្រោយខ្លួនចូលមកក្នុងផ្ទះយាយជាដែរ។

ប្រភពបានបន្តទៀតថា ខណៈដែលឈ្មោះហេងដើរចូលដល់ផ្ទះយាយជា ក៏បានយកចង្អុលបំពាននាងចំនួន៣ដងទៀត រួចគាត់ក៏និយាយប្រាប់ហាមដូចលើកមុនទៀត ពេលនោះខ្លួនក៏មិនហ៊ានប្រាប់អ្នកណាដែរ។ ក្រោយមកខ្លួនក៏ដើរទៅខាងក្រោយផ្ទះ ដើម្បីមើលប្អូនស្រីខ្លួន រួចក៏ដេកលើអង្រឹងខាងក្រោយផ្ទះ ស្រាប់តែឈ្មោះឈៀង មកលើកខ្លួនចេញពីអង្រឹងមកដាក់លើគ្រែក្រោមផ្ទះឲ្យដេក បន្ទាប់មកក៏បំពានសេពសន្ថវៈលើរូបនាង ពេលនោះខ្លួនមិនហ៊ានស្រែកទេពីព្រោះខ្លាចឈ្មោះឈៀង លុះរហូតដល់ល្ងាចទើបម្តាយខ្លួនមកយកខ្លួនទៅផ្ទះវិញ។

កុមារីរងគ្រោះក៏បញ្ជាក់ថា ថ្ងៃមួយខ្លួនមិនបានចាំថ្ងៃនោះទេ មានឈ្មោះគឹម ស្រស់ ក៏បានយកខ្លួនទៅងួតទឹកនៅក្នុងអាង រួចក៏បានបំពានសេពសន្ថវៈលើនាងផងដែរ ។

មន្ត្រីអាវុធហត្ថបានបន្តទៀតថា បើស្តាប់តាមចម្លើយសារភាពរបស់ជនសង្ស័យទាំង២នាក់ដែលចាប់ខ្លួនបាននេះថា ពិតបានធ្វើសកម្មភាពបំពានសេពសេន្ថវៈទៅលើក្មេងស្រីរងគ្រោះពិតប្រាដកមែន។

បច្ចុប្បន្ននេះជនសង្ស័យទាំង២នាក់ខាងលើ ត្រូវបានកងរាជអាវុធហត្ថខេត្តស្វាយរៀង កសាងសំណុំរឿងបញ្ជូនទៅតុលាការខេត្តហើយ ដើម្បីចាត់ការទៅតាមនីតិវិធីច្បាប់ ចំណែកជនសង្ស័យម្នាក់ទៀត សមត្ថកិច្ចកំពុងស្វែងរកចាប់ខ្លួនយកមកផ្តន្ទាទោសតាមច្បាប់ផងដែរ៕ (កែសម្រួលដោយ ៖ បុប្ផា)