ខេត្តកំពង់ឆ្នាំង ៖ អ្នកគ្រូបង្រៀនម្នាក់បានរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍រវៀងរថយន្តស៊ីទែនដឹកទឹកស្រោចធ្វើផ្លូវរបស់ក្រុមហ៊ុនធ្វើផ្លូវជាតិលេខ៥៣ បានថយក្រោយកិន ខណៈពេលជនរងគ្រោះកំពុងជិះម៉ូតូធ្វើដំណើរតាមផ្លូវ ។ ហេតុការណ៍ខាងលើនេះបានកើតឡើងកាលពីវេលាម៉ោងប្រមាណជា៤និង៣០នាទីរសៀលថ្ងៃទី២៥ ឧសភា ឆ្នាំ២០២០ នៅចំណុចក្លោងទ្វាចូលវត្តព្រះធាតុស្តាំ…
ខេត្តកំពង់ឆ្នាំង ៖ អ្នកគ្រូបង្រៀនម្នាក់បានរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍រវៀងរថយន្តស៊ីទែនដឹកទឹកស្រោចធ្វើផ្លូវរបស់ក្រុមហ៊ុនធ្វើផ្លូវជាតិលេខ៥៣ បានថយក្រោយកិន ខណៈពេលជនរងគ្រោះកំពុងជិះម៉ូតូធ្វើដំណើរតាមផ្លូវ ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណជា៤និង៣០នាទីរសៀលថ្ងៃទី២៥ ឧសភា ឆ្នាំ២០២០ នៅចំណុចក្លោងទ្វាចូលវត្តព្រះធាតុស្តាំ ស្ថិតក្នុងភូមិតាលោ ឃុំជើងគ្រាវ ស្រុករលាប្អៀរ ខេត្តកំពង់ឆ្នាំង ។
ជនរងគ្រោះឈ្មោះ នី លីណា ភេទស្រី អាយុ២២ឆ្នាំ ជាគ្រូបង្រៀន មានទីលំនៅភូមិអណ្ដូងច្រុះ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ជាអ្នកបើកបរម៉ូតូមួយគ្រឿងម៉ាកហុងដា ធុនសេ125 ពណ៌ខ្មៅស៊េរីឆ្នាំ2018 ពាក់ស្លាក់លេខ ភ្នំពេញ 1HG-3685 ។ ចំណែករថយន្តស៊ីទែនដឹកទឹកធ្វើផ្លូវ ម៉ាកអេស៊ា ក្បាលពណ៌ស ពាក់ស្លាក់លេខ PP3D1080 អ្នកបើកបរមិនស្គាល់អត្តសញ្ញាណ បានរត់គេចខ្លួនបាត់ ។
នៅក្នុងហេតុការណ៍គ្រោះថ្នាក់ខាងលើនេះ បណ្តាលអោយអ្នកគ្រូរងគ្រោះរងរបួសបាក់ជើងឆ្វេង ត្រូវបានដឹកបញ្ជូនមកសង្គ្រោះបន្ទាន់នៅមន្ទីពេទ្យបង្អែកខេត្តកំពង់ឆ្នាំង ដោយឡែកអ្នកបើកបររថយន្តបានរត់គេចខ្លួនបាត់ ដោយបន្សល់ទុករថយន្តចោលនៅកន្លែងកើតហេតុ ។
តាមប្រភពព័ត៌មានបានឱ្យដឹងបន្តថា ដោយសារស្ថានភាពរបួសធ្ងន់ធ្ងពេក នៅវេលាម៉ោង៨និង៧នាទីយប់ថ្ងៃដដែល ក្រុមគ្រួសាររបស់ជនរងគ្រោះបានដឹកតាមរថយន្តសង្គ្រោះយកទៅព្យាលបាលបន្តនៅមន្ទីពេទ្យក្រុងភ្នំពេញផងដែរ ។ ដោយឡែករថយន្តនិងម៉ូតូត្រូវបានសមត្ថកិច្ចយកមករក្សារទុកនៅការិយាលយ័ចរាចផ្លូវគោកខេត្តដើម្បីរង់ចាំធ្វើការដោះស្រាយគ្នានៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ