រាជធានីភ្នំពេញ ៖ អគ្គីភ័យលេបត្របាក់ក្លិបកម្សាន្ត «អ៊ីឌីអឹម» អស់ស្ទើរតែទាំងស្រុង បើទំហំនៃការខាតបង់គិតជា ទឹកប្រាក់អស់រហូតទៅដល់ជាង ៦០ម៉ឺនដុល្លារ និងនៅមិនទាន់ដឹងពីមូលហេតុនៅឡើយទេ នាថ្ងៃទី២៥…
រាជធានីភ្នំពេញ ៖ អគ្គីភ័យលេបត្របាក់ក្លិបកម្សាន្ត «អ៊ីឌីអឹម» អស់ស្ទើរតែទាំងស្រុង បើទំហំនៃការខាតបង់គិតជា ទឹកប្រាក់អស់រហូតទៅដល់ជាង ៦០ម៉ឺនដុល្លារ និងនៅមិនទាន់ដឹងពីមូលហេតុនៅឡើយទេ នាថ្ងៃទី២៥ ខែ ឧសភានេះ ដោយកម្លាំងមានសម្ថកិច្ចចម្រុះមួយក្រុមបាននាំគ្នាចុះធ្វើការត្រួតពិនិត្យក្លិបកម្សាន្តខាងលើផងដែរ ។
តាមប្រភពព័ត៌មានពីសម្ថកិច្ចកិច្ចបានប្រាប់ឱ្យដឹងថា ក្នុងពេលនេះដែរ គណៈកម្មការចម្រុះមួយក្រុមបាននាំគ្នាចុះមកធ្វើការត្រួតពិនិត្យ និងស្រាវជ្រាវនៅក្នុងក្លិបកម្សាន្ត ដោយមានការចូលរួមអំពីសំណាក់តំណាងខាងម្ចាស់ក្លិប ដែលរងការឆាបឆេះ កាលពីល្ងាចថ្ងៃទី២៤ ខែឧសភា ម្សិលមិញផងដែរ ។
ភ្លើងបានឆេះបំផ្លាញអស់ស្រា ឧបករណ៍ភ្លេង ភ្លើងពណ៌ តុ សាឡុង រួមទាំងសម្ភារៈប្រើប្រាស់មួយចំនួនធំទៀតនៅខាងក្នុងឆេះអស់គ្មានសល់ និងនៅតែជញ្ជាំង ខាងក្រៅបាក់ធ្លាក់ជាអន្លើរៗមិនអាចប្រើការអ្វីតទៅទៀតបានឡើយអស់ស្ទើរតែទាំងស្រុងតែម្តង បើគិតជាទំហំនៃការខូចខាតជាទឹកប្រាក់វិញអស់រហូតទៅដល់ជាង ៦០ម៉ឺនដុល្លារឯណ្ណោះ ដែលឆេះត្រឹមតែក្នុងរយៈពេល១ម៉ោងកន្លះប៉ុណ្ណោះ។
តាមប្រភពដដែលបានប្រាប់បន្តទៀតថា ក្នុងករណីអគ្គិភ័យឆេះក្លិបកម្សាន្ត នោះដែរ ដោយភ្លើងបានឆាបឆេះឡើងក្នុងរយះពេល ប្រមាណត្រឹមតែ ១ ម៉ោងកន្លះប៉ុណ្ណោះ និងមានរថយន្តពន្លត់អគ្គិភ័យមកពីគ្រប់បណ្តាអង្គភាពចំនួន ៣៥គ្រឿង និងបាញ់ ទឹកពន្លត់អស់ចំនួន ៧០ឡានទើបគ្រប់គ្រង និងពន្លត់បាន និងមិនបង្កឱ្យមនុស្សណាម្នាក់រងគ្រោះថ្នាក់ឡើយ ។
ចំណែកឯមូលហេតុនៃការឆេះនេះដែរ គឺនៅមិនទាន់បានដឹងថា វាផ្តើមឡើងដោយសារ តែមូលហេតុអ្វីនៅឡើយទេ ? តែក្លិបបានបិទដំណើរការតាំងពីខែ ៣(ខែមីនា) មកម្លេះអស់រយៈពេលជាច្រើនខែមកហើយ ចាប់តាំងពេលដែលរាជរដ្ឋាភិបាលបានប្រកាសអោយបិទក្នុងអំឡុងពេលដែលកើតមានជំងឺកូវីដ ១៩ មកម្លេះ និងមានតែសន្តិសុខចំនួន២នាក់យាមតែប៉ុណ្ណោះ ៕
បញ្ជាក់ ៖ ខណៈពេលនេះ អគ្គិភ័យឆាបឆេះក្លិបកម្សាន្តមួយកន្លែងក្នុងសង្កាត់ទន្លេបាសាក់
ចែករំលែកព័តមាននេះ