នាយករដ្ឋមន្ត្រីអេស្ប៉ាញថា ក្របខ័ណ្ឌ La Liga អាចត្រឡប់វិញនៅដើមខែក្រោយ
3 ឆ្នាំ មុន
ប្រទេសអេស្ប៉ាញ ៖ ក្របខណ្ឌកំពូល La Liga ទទួលបានភ្លើងខៀវពីនាយករដ្ឋមន្ត្រីអេស្ប៉ាញលោក Pedro Sanchez ដោយអាចបន្តសកម្មភាពប្រកួតប្រជែងឡើងវិញចាប់ពីថ្ងៃទី៨ ខែមិថុនា…
ប្រទេសអេស្ប៉ាញ ៖ ក្របខណ្ឌកំពូល La Liga ទទួលបានភ្លើងខៀវពីនាយករដ្ឋមន្ត្រីអេស្ប៉ាញលោក Pedro Sanchez ដោយអាចបន្តសកម្មភាពប្រកួតប្រជែងឡើងវិញចាប់ពីថ្ងៃទី៨ ខែមិថុនា ឆ្នាំ២០២០ ដោយបិទទ្វារកីឡដ្ឋាន ។
«ចាប់ពីថ្ងៃទី៨ ខែមិថុនានេះ ក្របខណ្ឌ La Liga នឹងត្រឡប់មកវិញ។ បាល់ទាត់ប្រទេសអេស្ប៉ាញមានចំនួនអ្នកតាមដានច្រើនលើសលុប ប៉ុន្តែវាមិនមែនជាសកម្មភាពតែមួយ ដែលនឹងវិលត្រឡប់មកវិញនោះទេ» ។
ក្នុងនោះលីគលំដាប់ទី២ (Segunda División) ក៏ត្រូវបានកំណត់ឲ្យចាប់ផ្តើមឡើងវិញនៅពេលដំណាលគ្នាផងដែរ។ បើយោងតាមរបាយការណ៍ពីសារព័ត៌មានក្នុងប្រទេសអេស្បាញបានលើកឡើងថា ជំនួបរវាងក្រុម Sevilla និងក្រុម Real Betis នឹងក្លាយជាការប្រកួតបើកឆាកក្របខណ្ឌ La Liga ដំបូងបង្អស់ក្នុងសម័យកាលវីរុសកូវីដ-១៩ ។
សូមបញ្ជាក់ថាក្របខណ្ឌ La Liga នៅមាន ១១ ប្រកួតទៀតត្រូវលេង ដើម្បីបញ្ចប់រដូវកាលនេះ ដោយបច្ចុប្បន្នក្រុម Barcelona កំពុងឈរនៅកំពូលតារាងបណ្តោះអាសន្ននាំមុខ ២ពិន្ទុលើក្រុម Real Madrid មុនពេលលីគត្រូវបានផ្អាក ៕ (ដកស្រង់ចេញពី BBC)
ចែករំលែកព័តមាននេះ