ប្រទេសរុស្ស៊ី ៖ ក្រុមហ៊ុនផលិតមាសធំមួយរបស់រុស្ស៊ីប្រកាសនាថ្ងៃទី២១ ឧសភា ពីការបាត់បង់ជីវិតបុគ្គលិកខ្លួនម្នាក់ក្នុងចំណោមបុគ្គលិករបស់ខ្លួនដោយសារឆ្លងវីរុស COVID-19 ក្នុងអណ្ឌូងរ៉ែមាសដ៏ធំមួយនៅតំបន់ស៊ីបេរី ដែលក្លាយជាប្រភពនៃការឆ្លងថ្មីមួយ ហើយកងកម្លាំងយោធាត្រូវបានអំពាវ នាវឲ្យជួយធ្វើអន្តរាគមន៍ ។
អ្នកនាំពាក្យម្នាក់របស់សហគ្រាសផលិតមាស POLYU Sអះអាងថា និយោជិតម្នាក់ដែលមានអាការៈឆ្ងន់ក្រោយឆ្លងវីរុសត្រូវបានដាក់ឧបករណ៍ជំនួយក្នុងការដកដង្ហើម ហើយបញ្ជូនតាមយន្តហោះមកកាន់មន្ទីរពេទ្យមួយនៃតំបន់ស៊ីបេរី ដែលនៅទីនោះបណ្ដាគ្រូពេទ្យបានខិតខំ១០ថ្ងៃដើម្បីជួយសង្គ្រោះអាយុជីវិតរបស់គេ តែនៅមិនអាចជួយសង្គ្រោះគេបាន ។
សរុបនិយោជិត១.១៩១នាក់នៃអណ្ដូងរ៉ែមាសក្នុងតំបន់ក្រាស្នូយ៉ាកស្ក៍ស៊ីបេរីខាងកើតនោះ ត្រូវបានធ្វើតេស្តឃើញលទ្ធផលវិជ្ជមាននៃវីរុស ។ និយោជិតអណ្ដូងរ៉ែនោះប្រមាណជា៥.០០០នាក់ត្រូវបានធ្វើតេស្ត ។ ជាង៩០%នៃអ្នកទទួលការធ្វើតេស្តគ្មានសញ្ញាឆ្លងឡើយ ។
ទោះបីមានការឆ្លងវីរុសនៅអណ្ដូងរ៉ែមាសនេះក្ដី តែអណ្ដូងរ៉ែនោះនៅតែដំណើរការ ។ ដើម្បី
បញ្ឈប់ការឆ្លងកងទ័ពរុស្ស៊ីបានធ្វើអន្តរាគមន៍ និងប្រកាសនាថ្ងៃទី២១ឧសភាពីការបង្ហើយការ
បង្កើតជំរំតង់មួយជាកន្លែងសម្រាប់ធ្វើចត្តាឡីស័កកម្មកររ៉ែដល់ទៅ២.០០០នាក់ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ