ប្រទេសរុស្ស៊ី ៖ យោងតាមរ៉យទ័រថា ប្រទេសរុស្ស៊ីរាយការណ៍នាថ្ងៃទី២០ ឧសភា ពីអ្នកឆ្លងវីរុស COVID-19 ចំនួន៨.៧៦៤នាក់ទៀតរយៈពេល២៤ម៉ោងចុងក្រោយនេះ ដែលនោះជាការកើនប្រចាំថ្ងៃនៃចំនួនអ្នកឆ្លងថ្មីដែលចុះថយវិញពុំធ្លាប់មានចាប់តាំងពីថ្ងៃទី២ ឧសភាមក ។
មជ្ឈមណ្ឌលវិបត្តិដែលគ្រប់គ្រងការឆ្លងវីរុសរុស្ស៊ីក៏កត់សម្គាល់ឃើញអ្នកបាត់បង់ជីវិតថ្មី១៣៥នាក់ទៀត នាំឲ្យចំនួនអ្នកបាត់បង់ជីវិតសរុបឡើងដល់២.៩៧២នាក់នៅរុស្ស៊ី ។ ចំណែកចំនួនអ្នកឆ្លងសរុបវិញពេលនេះកើនដល់៣០៨.៧០៥នាក់ហើយ ។
នាយករដ្ឋមន្ត្រីរុស្ស៊ីលោកមីខាអ៊ីលមីឈូស្ទីនដែលទើបជាពីជំងឺ COVID-19 នឹងវិលចូលធ្វើការវិញថ្លែងថា តុល្យការថ្មីនោះជាសញ្ញាបង្ហាញថា សភាពការណ៍ចាប់ផ្ដើមមានស្ថេរភាពឡើងវិញ
បណ្ដើរៗក្នុងប្រទេស តែលោកអំពាវនាវឲ្យមានការប្រុងប្រយ័ត្នក្នុងតំបន់១៧ដែលអនុញ្ញាតឲ្យលុបចោលការរិតត្បិតបង្កើតឡើង ដើម្បីប៉ុនប៉ងទប់ការឆ្លង ។
នៅក្រុងមូស្គូអភិបាលក្រុងនោះលោកស័រហ្គេយសូប៊ីយ៉ានីនគូសបញ្ជាក់ថា ចំនួនអ្នកឆ្លងប្រចាំ
ថ្ងៃក្នុងក្រុងមូស្គូមានការចុះថយច្រើន តែនៅខ្ពស់នៅឡើយនិងថា អត្រាស្លាប់ក្នុងខែឧសភាមានខ្ពស់ជាងកាលពីក្នុងខែមេសា ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ