រាជធានីភ្នំពេញ ៖ ក្រសួងសាធារណការ និងដឹកជញ្ជូន បានចេញសេចក្ដីជូនដំណឹង ស្ដីពី ការប្ដូរបណ្ណសម្គាល់យានជំនិះ និងផ្លាកលេខសម្គាល់យានយន្តថ្មី របស់ក្រសួង ស្ថាប័នរដ្ឋ…
រាជធានីភ្នំពេញ ៖ ក្រសួងសាធារណការ និងដឹកជញ្ជូន បានចេញសេចក្ដីជូនដំណឹង ស្ដីពី ការប្ដូរបណ្ណសម្គាល់យានជំនិះ និងផ្លាកលេខសម្គាល់យានយន្តថ្មី របស់ក្រសួង ស្ថាប័នរដ្ឋ អង្គភាព និងស្ថានទូត ។
សេចក្ដីជូនដំណឹង ចុះថ្ងៃទី១៨ ខែឧសភា ឆ្នាំ២០២០ របស់ក្រសួងសាធារណការ និងដឹកជញ្ជូន បានបញ្ជាក់ថា ក្រសួង ស្ថាប័ន ដែលកំពុងប្រើប្រាស់យានជំនិះ មានផ្លាកលេខសម្គាល់ រដ្ឋ34 ,រដ្ឋ37 រហូតដល់រដ្ឋ62 និងរដ្ឋ66, ផ្លាកលេខយានជំនិះរបស់សាលារាជធានីភ្នំពេញ-ខេត្ត ត្រូវប្តូរមកលេខកូដសម្គាល់យានជំនិះថ្មី។
ក្រសួង ស្ថាប័នទាំងអស់ ដែលជាម្ចាស់គ្រប់គ្រងយានជំនិះ មេត្តារៀបចំធ្វើបច្ចុប្បន្នភាពបញ្ជីរសារពើភ័ណ្ឌយានជំនិះ ដែលកំពុងប្រើប្រាស់នៅអង្គភាពរបស់ខ្លួនរួចបញ្ជូនមកក្រសួងសាធារណការ និងដឹកជញ្ជូន និងត្រូវបំពេញបែបបទស្នើសុំប្តូរបណ្ឌសម្គាល់យានជំនិះ និងផ្លាកលេខសម្គាល់យានយន្តថ្មី ឱ្យស្របតាមខ្លឹមសារនៃអនុក្រឹត្យ និងប្រកាសថ្មីនៅអគ្គនាយកដ្ឋានដឹកជញ្ជូនផ្លូវគោក ឲ្យបានមុនថ្ងៃទី៣០ ខែតុលា ឆ្នាំ២០២០ ៕
ចែករំលែកព័តមាននេះ