ក្លិប Real Madrid រង់ចាំការយល់ព្រមពី UEFA ដើម្បីធ្វើការផ្លាស់ប្តូរកីឡដ្ឋាន
ក្លិប Real Madrid កំពុងរង់ចាំការយល់ព្រមពី UEFA ដើម្បីអាចលេងការប្រកួតក្របខ័ណ្ឌ La Liga ដែលនៅសល់ក្នុងកីឡដ្ឋាន Alfredo…
ក្លិប Real Madrid កំពុងរង់ចាំការយល់ព្រមពី UEFA ដើម្បីអាចលេងការប្រកួតក្របខ័ណ្ឌ La Liga ដែលនៅសល់ក្នុងកីឡដ្ឋាន Alfredo Di Stefano របស់ក្រុមយុវជនខ្លួន Real Madrid Castilla ដើម្បីយកពេលធ្វើការស្ថាបនាកែលំអកីឡដ្ឋាន Santiago Bernabéu ។
ក្នុងបញ្ហានេះក្របខ័ណ្ឌកំពូលអេស្ប៉ាញ La Liga បានយល់ព្រមទៅនឹងសំណើរបស់ក្លិប Real Madrid អ្វីៗទាំងអស់គឺរង់ចាំតែការអនុញ្ញាតពី UEFA តែប៉ុណ្ណោះ។ យោងតាមច្បាប់របស់ UEFA បានតម្រូវឲ្យក្រុមមួយប្រើប្រាស់កីឡដ្ឋានបានតែមួយ សម្រាប់ការប្រកួតទាំងអស់ក្នុងមួយរដូវកាល ។
ជាមួយនឹងពេលវេលាដែលនៅសល់នៃរដូវកាលនេះ ទំនងនឹងត្រូវលេងនៅពីក្រោយការបិទទ្វារកីឡដ្ឋាន ធ្វើឲ្យក្រុម Real Madrid មើលឃើញថានេះគឺជាឱកាសមួយដ៏ល្អ ដើម្បីធ្វើការជួសជុលស្ថាបនាកីឡដ្ឋាន Santiago Bernabeu របស់ខ្លួន ។
សូមបញ្ជាក់ជូនថាកីឡដ្ឋាន Alfredo Di Stefano របស់ក្រុមយុវជនរបស់ Real Madrid មានសមត្ថភាពអាចផ្ទុកអ្នកទស្សនាបានចំនួន ៦,០០០នាក់ ប្រសិនទទួលបានការយល់ព្រមពី UEFA វានឹងត្រូវទទួលការកែលំអ ដើម្បីបំពេញតម្រូវការតាមស្តង់ដារបស់ La Liga មួយចំនួនដូចជា រៀបចំសំរាប់ការចាក់ផ្សាយតាមកញ្ចក់ទូរទស្សន៍ និងប្រព័ន្ធជំនួយអជ្ញាកណ្តាល VAR ៕ (ដកស្រង់ចេញពី Marca)
ចែករំលែកព័តមាននេះ