រាជធានីភ្នំពេញ ៖ យុវជនម្នាក់បានក្លាយខ្លួនទៅជាជនល្មើសជាប់ទោសព្រហ្មទណ្ឌ ដោយសារតែការឆោតល្ងង់របស់ខ្លួនក្នុងរឿងស្នេហា ។ យុវជនរូបនេះ ដោយសារខឹងសង្សារបែកចិត្តក៏ទៅអង្គុយនៅមុខផ្ទះសង្សារ លុះពេលឃើញឪពុកមារបស់នាងជាសង្សារបើករថយន្តមួយគ្រឿងមកដល់ស្មានតែជាប្រុសស្នេហ៍ថ្មីរបស់នាង ក៏ស្ទុះទៅប្រវាយប្រតប់និងកា.ប់មួយកាំបិតបុ័ងតោរយះចង្កាខាងឆ្វេងហូរឈាមសស្រាក់ ។
រាជធានីភ្នំពេញ ៖ យុវជនម្នាក់បានក្លាយខ្លួនទៅជាជនល្មើសជាប់ទោសព្រហ្មទណ្ឌ ដោយសារតែការឆោតល្ងង់របស់ខ្លួនក្នុងរឿងស្នេហា ។ យុវជនរូបនេះ ដោយសារខឹងសង្សារបែកចិត្តក៏ទៅអង្គុយនៅមុខផ្ទះសង្សារ លុះពេលឃើញឪពុកមារបស់នាងជាសង្សារបើករថយន្តមួយគ្រឿងមកដល់ស្មានតែជាប្រុសស្នេហ៍ថ្មីរបស់នាង ក៏ស្ទុះទៅប្រវាយប្រតប់និងកាប់មួយកាំបិតបុ័ងតោរយះចង្កាខាងឆ្វេងហូរឈាមសស្រាក់ ។
ហេតុការណ៍នេះបានកើតឡើងកាលពីវេលាម៉ោង៤និង២០នាទី ទៀបភ្លឺថ្ងៃទី១៨ តុលា នៅមុខផ្ទះលេខ១៥Eo ក្បែរផ្ទះសំណាក់SL ផ្លូវលេខ៥៣ សង្កាត់ផ្សារថ្មីទី៣ ខណ្ឌដូនពេញ ហើយជនបង្កត្រូវបានសមត្ថកិច្ចឃាត់ខ្លួន ។ យុវជនម្នាក់នេះឈ្មោះ ពៅ រី អាយុ២២ឆ្នាំ ជាអ្នកលក់អយស្ទ័រនៅខាងក្រោយវិទ្យាល័យព្រះស៊ីសុវត្ថិ ស្នាក់នៅក្បែរកន្លែងកើតហេតុ មានស្រុកកំណើតនៅភូមិគ ឃុំគ ស្រុកត្បូងឃ្មុំ ខេត្តត្បូងឃ្មុំ ។ ពៅ រី និយាយថា ខ្លួនបានស្រឡាញ់នារីម្នាក់ ឈ្មោះ មាស មុំ អាយុ២៣ឆ្នាំ ស្នាក់នៅផ្ទះកើតហេតុខាងលើ ដែលការស្រឡាញ់គ្នានេះមានរយៈពេល៣ឆ្នាំមកហើយ។ រយៈពេល៣ឆ្នាំកន្លងមកនេះ ពួកគេស្រឡាញ់គ្នាល្អូកល្អឺនណាស់ ទើបតែមួយខែថ្មីៗនេះ នាងជាសង្សារ បែរជាសោះអង្គើយហាក់ដូចជាចង់ដោះដៃមានអ្នកថ្មី ធ្វើឲ្យរូបគេព្យាយាមតាមដាន។
លុះនៅយប់កើតហេតុរូបគេទៅអង្គុយនៅមុខផ្ទះ ហើយស្រែកហៅនាង តែនាងមិនព្រមឆ្លើយទេ ហើយដោយក្តៅក្រហាយខ្លួនបានទាត់ធាក់ទ្វារផ្ទះរបស់នាង ស្រាប់តែនាងទូរស័ព្ទហៅបុរសម្នាក់ដែលជាឪពុកមារបស់នាងមកដល់។ ពេលនោះរូបគេស្មានថាជាប្រុសស្នេហ៍របស់នាងក៏ស្ទុះទៅប្រវាយប្រតប់ជាមួយទាំងដៃកាន់កាំបិតបុ័ងតោ ហើយគ្រវាសទៅមុតរយះចង្កាឪពុកមានោះហូរឈាមតែម្តង។ ដោយឡែកប្រភពព័ត៌មានពីជនរងគ្រោះឈ្មោះ មាស តេង អាយុ៤៤ឆ្នាំ ជាមេជាងសំណង់ ស្នាក់នៅក្នុងសង្កាត់ចោមចៅ ខណ្ឌពោធិ៍សែនជ័យ បានឲ្យដឹងថា មាស មុំ ជាក្មួយរបស់គាត់ដែលនាងជាកូនកំព្រាឪពុកម្តាយ ស្ថិតនៅក្រោមការគ្រប់គ្រងរបស់គាត់ ប៉ុន្តែបច្ចុប្បន្ននាងស្នាក់នៅជាមួយបងស្រីនៅផ្ទះកើតហេតុខាងលើ ។ មុនពេលកើតហេតុ រូបគាត់និងក្រុមគ្រួសារបាននាំក្មួយស្រីទៅហូបអាហារនៅហាងមួយ ដោយជិះរថយន្តកាមរីបាឡែន ពណ៌ទឹកប្រាក់ ពាក់ស្លាកលេខភ្នំពេញ 2A -9224 ។ លុះជូនក្មួយស្រីត្រឡប់ទៅដល់ផ្ទះវិញ ស្រាប់តែយុវជនរូបនេះកាន់កាំបិតបុ័ងតោកាប់រូបគាត់បណ្តាលឱ្យរយះចង្កា ទើបចាប់ឃាត់ខ្លួនប្រគល់ឲ្យនគរបាលប៉ុស្តិ៍ផ្សារថ្មីទី៣យកទៅសាកសួរ ។
ទោះបីជាបែបណា ស្នេហាប្រុសស្រី ឋានៈត្រឹមសង្សារនេះមិនអាចឈានដល់ការចាត់ទុកដូចប្តីប្រពន្ធនោះទេ នេះបើផ្អែកទៅលើច្បាប់។ បើស្រឡាញ់គ្នាមានបំណងយកធ្វើជាគូអនាគត មានតែផ្លូវមួយទេដែលត្រូវដើរ គឺឱ្យឪពុកម្តាយចូលស្តីដណ្តឹងដោយភ្ជាប់ពាក្យនឹងគ្នា និងរង់ចាំឱកាសល្អណាមួយនឹងរៀបការ ។ ការកាន់កាំបិតទៅកាប់មនុស្ស ទោះត្រូវទៅលើប្រុសថ្មីក៏មានន័យថា បង្ករបួសស្នាម ហើយត្រូវមានទោសដែរ ៕
ចែករំលែកព័តមាននេះ