ពាណិជ្ជកម្ម​ផ្កា​ជាស​កល​ត្រូវ​ជាប់​គាំង​ខាតបង់​ទឹកប្រាក់​ចំនួន៨,៥​ពាន់​លាន​ដុល្លារ


បរទេស​ ៖ ព្រោះតែ​ការ​រាតត្បាត​នៃ​វីរុស​ឆ្លង​កូ​វី​ដ​-១៩ ព្រឹត្តិការណ៍​តូច​ធំ​ពាសពេញ​ពិភពលោក​ត្រូវ​បាន​លុប​ចោល បណ្តាល​ឲ្យ​ការ​បញ្ជា​ទិញ​ផ្កា​គ្រប់​ប្រភេទ ជា​ពិសេស​ផ្កាកូលាប​ត្រូវ​ជាប់​គាំង ចាប់ពី​ទីតាំង​សាល​លក់​ដេញថ្លៃ​ផ្កា​នៅ​ហូ​ឡង់​ផ្កា​រហូត​ដល់​ប្រទេស​កេ​ន​យ៉ាប​បង្ក​ឲ្យ​មានការ​ជាប់​គាំង​ពាណិជ្ជកម្ម​ផ្កា​ជាស​កល​និង​បាត់បង់​ទឹកប្រាក់​ប្រមាណ​ជាង ៨.៥ ពាន់​លាន​ដុល្លារ ។

ក្នុង​នោះ​ពិធី​អាពាហ៍ពិពាហ៍​រាប់​លាន​ក៏​ត្រូវ​បាន​លុប​ចោល​ព្រោះ​មនុស្ស​ត្រូវ​ស​ង្ងំ​នៅ​ក្នុងផ្ទះ ជាក់ស្តែង​នាង Meredith Dean ដែល​គ្រោង​នឹង​រៀប​ការ​នា​ខែឧសភា ដែល​បាន​គ្រោង​ថា​នឹង​មាន​ភ្ញៀវ​ដើរ​កាត់​សួនផ្កា​នៅ​ពិធី​មង្គល​របស់​នាង​ក៏​ត្រូវ​រលាយ​ដូច​ផ្សែង​បារី​គេ​បង្ហុយ​ចោល​ទៅ​ក្នុង​ខ្យល់ ។ នាង​បាន​និយាយ​ថា «​ខ្ញុំ​គ្រោង​ក​ម្ម៉​ង់​ទិញ​ផ្កា​តុបតែង​ច្រើន​សម្រាប់​ពិធី​មង្គលការ​តែ​ពេល​នេះ​គ្រប់យ៉ាង​ត្រូវ​លុប​ចោល​ទាំងស្រុង​» ។

នៅ​ពេល​របាយការណ៍​នៃ​ករណី​របស់ Covis-19 របស់​សហរដ្ឋអាមេរិក​បាន​កើតឡើង​នៅ​ដើមខែ​មីនា​បាន​ធ្វើ​ឲ្យ​មជ្ឈមណ្ឌល​ត្រួតពិនិត្យ​និង​បង្ការ​ជំងឺ​ប្រកាស​នា​ថ្ងៃ​ទី ១៥ មីនា ប្រកាស​ថា ជនជាតិ​អា​មេ​រិ​ក​គួរតែ​ជៀសវាង​ការ​ប្រមូលផ្តុំ​គ្នា​ជា​ក្រុម​ដែល​មាន​អាយុ​លើស​ពី ៥០ នាក់​សម្រាប់​រយៈពេល ៨ ស​ប្តា​ហ៍​ខាង​មុខ​នេះ​ដូច្នេះ​ពិធី​មង្គល បុណ្យ​សាសនា​គ្រប់យ៉ាង​ត្រូវ​លុប​ចោល​ទាំងអស់ ។ ការ​ចាក់សោរ ឬ​បិទ​ប្រទេស​ទាំងស្រុង​នៅ​សហរដ្ឋអាមេរិក​និង​អឺរ៉ុប និង​ពេល​ព្រឹត្តិការណ៍​គ្រប់យ៉ាង​ត្រូវ​បាន​លុប​ចោល ភោជនីយដ្ឋាន​បាន​បិទទ្វារ​និង​សេវា​ទាំងអស់​ត្រូវ​ខាតបង់ ។

គ្រោះថ្នាក់​នៃ​ការ​ធ្វើ​ពាណិជ្ជកម្ម​កាត់​ផ្កា​ចំនួន ៨.៥ ពាន់​លាន​ដុល្លារ​បាន​បង្ហាញ​ឲ្យ​ឃើញច្បាស់​ថា​មេរោគ​ឆ្លង​ថ្មី​កំពុង​តែ​រំខាន​ដល់​សង្វា​ក់​ផ្គត់ផ្គង់​គ្រប់​ប្រភេទ ទោះបី​នៅ​កន្លែង​ដែល​វា​មិន​ទាន់​រីក​រាលដាល​ក៏​ដោយ​។ បន្ទាប់​ពី​ការ​ដាក់​ឱ្យ​នៅ​ដាច់​តែ​ពីរ​បី​ស​ប្តា​ហ៍​កសិករ Vermont កំពុង​បោះចោល​ទឹកដោះគោ​នៅ​ក្នុង​រណ្តៅ​លាមក​ដោយសារ​តែ​ការ​បញ្ជា​ទិញ​ដែល​ត្រូវ​បាន​លុប​ចោល​ពី​សាលារៀន ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ