កីឡដ្ឋានរបស់ក្លិបមាន់ខ្នាយមាស Tottenham Hotspur បានបើកទ្វារជាផ្លូវការទទួលអ្នកជំងឺស្ត្រីដែលមកពីមន្ទីរពេទ្យ North Middlesex ។ ផ្នែកខ្លះនៃកីឡដ្ឋានដែលមានលក្ខណៈទំនើបបំផុតនៃក្លិបនេះ ត្រូវបានទុកដើម្បីផ្ទេរអ្នកជំងឺស្ត្រី ដោយទុកកន្លែងទំនេរសម្រាប់មន្ទីរពេទ្យ…
កីឡដ្ឋានរបស់ក្លិបមាន់ខ្នាយមាស Tottenham Hotspur បានបើកទ្វារជាផ្លូវការទទួលអ្នកជំងឺស្ត្រីដែលមកពីមន្ទីរពេទ្យ North Middlesex ។
ផ្នែកខ្លះនៃកីឡដ្ឋានដែលមានលក្ខណៈទំនើបបំផុតនៃក្លិបនេះ ត្រូវបានទុកដើម្បីផ្ទេរអ្នកជំងឺស្ត្រី ដោយទុកកន្លែងទំនេរសម្រាប់មន្ទីរពេទ្យ North Middlesex ធ្វើការព្យាបាលអ្នកជំងឺដែលមានរោគសញ្ញានៃកូវីដ១៩ ។
គ្លីនិកថ្មីនេះ ត្រូវបានគេរំពឹងថានឹងទទួលបានអ្នកជំងឺរហូតដល់ ៧០ នាក់ក្នុងមួយថ្ងៃ ហើយនឹងត្រូវបើកពីថ្ងៃច័ន្ទ ដល់ថ្ងៃសៅរ៍ ដោយមានបុគ្គលិកពេទ្យរហូតដល់ ៣០ នាក់ក្នុងពេលតែមួយ។
ទន្ទឹមនឹងសេវាកម្មទាំងនោះ ក្លិបបានបើកកន្លែងចតឡាន ដើម្បីធ្វើជាកន្លែងតេស្តវីរុសរកកូវីដ១៩ ដល់បុគ្គលិកមន្ទីរពេទ្យ North Middlesex ការធ្វើតេស្តប្រហែល ៧០ ដងក្នុងមួយថ្ងៃត្រូវបានគេរំពឹងថានឹងធ្វើ។
ក្នុងចំណោមការផ្លាស់ប្តូរ ដែលបានធ្វើឡើងនៅខាងក្នុងកីឡដ្ឋាន កន្លែងប្រព័ន្ធផ្សព្វផ្សាយ និងហាងកាហ្វេរបស់ក្លិបទៅជាកន្លែងទទួលភ្ញៀវសម្រាប់បុគ្គលិកពេទ្យ NHS ។ ហើយបន្ទប់ផ្លាស់សំលៀកបំពាក់ នឹងក្លាយជាបន្ទប់ឆ្មប និងការិយាល័យរដ្ឋបាល ។
នេះជាការរួមចំណែកមួយដ៏សំខាន់ ក្នុងការជួយដោះបន្ទុកមួយចំនួនសម្រាប់រដ្ឋាភិបាលអង់គ្លេស ក្នុងគ្រាមានវិបត្តិនេះ ៕ (ដកស្រង់ចេញពី Sky Sports)
ចែករំលែកព័តមាននេះ