ខេត្តព្រះសីហនុ៖ ខេត្តព្រះសីហនុដែលមានតួលេខជនបរទេសកើតជំងឺកូវីដ-១៩ ច្រើនជាងគេនៅស្រុកខ្មែរនោះ ពេលនេះស្ថានភាពគឺមានលក្ខណៈល្អប្រសើរបំផុត ព្រោះគិតត្រឹមថ្ងៃទី ១៦ ខែមេសានេះ អ្នកជំងឺកូវីដ១៩ដែលស្ថិតក្នុងកន្លែងព្យាបាល នៅសល់តែ២នាក់ប៉ុណ្ណោះគឺជនជាតិបារាំងមួយរូបនិងជនជាតិខ្មែរមួយរូប។ ជាមួយគ្នានោះផងដែរ…
ខេត្តព្រះសីហនុ៖ ខេត្តព្រះសីហនុដែលមានតួលេខជនបរទេសកើតជំងឺកូវីដ-១៩ ច្រើនជាងគេនៅស្រុកខ្មែរនោះ ពេលនេះស្ថានភាពគឺមានលក្ខណៈល្អប្រសើរបំផុត ព្រោះគិតត្រឹមថ្ងៃទី ១៦ ខែមេសានេះ អ្នកជំងឺកូវីដ១៩ដែលស្ថិតក្នុងកន្លែងព្យាបាល នៅសល់តែ២នាក់ប៉ុណ្ណោះគឺជនជាតិបារាំងមួយរូបនិងជនជាតិខ្មែរមួយរូប។
ជាមួយគ្នានោះផងដែរ លោក គួច ចំរើន អភិបាលខេត្តព្រះសីហនុ បន្តអំពាវនានៅគ្រប់វេទិកាជំនួបការងារ ជំរុញគ្រប់សកម្មភាពក្នុងការទប់ស្កាត់ ការពារមិនអោយមានអ្នកឆ្លងថ្មី ជំងឺកូវីដ១៩ ។
លោកអភិបាលបានឲ្យដឹងថា គិតមកត្រឹមព្រឹកថ្ងៃ១៦ មេសានេះ នៅខេត្តព្រះសីហនុ អ្នកជំងឺកូវីដ១៩ដែលស្ថិតក្នុងកន្លែងព្យាបាល នៅសល់តែ២នាក់ប៉ុណ្ណោះគឺជនជាតិបារាំងមួយរូបនិងជនជាតិខ្មែរមួយរូប។ ចំពោះស្ថានភាពអ្នកជំងឺទាំង២ដែលស្ថិតនៅកន្លែងព្យាបាលនេះ វិវត្តន៍ទៅរកល្អអាចនឹងធូរស្បើយឆាប់ៗនេះ។ សូមអរគុណគ្រូពេទ្យ អរគុណអជ្ញាធរ និងសមត្ថកិច្ចពាក់ពន្ធ័ដែលបានខិតខំលើការងារនេះ ។
គួររំលឹកថា នៅខេត្តព្រះសីហនុរកឃើញករណីវិជ្ជមានកូវីដ១៩សរុបចំនួន៤០នាក់ ក្នុងនោះជនជាតិខ្មែរចំនួន៣នាក់, ជនជាតិចិន១នាក់ និងជនជាតិបារាំងចំនួន៣៦នាក់ ៕
ចែករំលែកព័តមាននេះ