ខេត្តព្រះវិហារ ៖ យោងតាមមន្ទីរព័ត៌មានខេត្តព្រះវិហារបានឱ្យដឹងថា ផ្លូវមួយខ្សែនៅជុំវិញស្រះឈូកនឹងលេចចេញជារូបរាងឡើងក្នុងពេលឆាប់ៗខាងមុខ ដើម្បីលើកកម្ពស់មុខមាត់ខេត្ត និងបង្កើនភាពទាក់ទាញសម្រាប់សាធារណជន ក្រោយត្រូវបានធ្វើពិធីបើកការដ្ឋានជាផ្លូវការ កាលពីព្រឹកថ្ងៃទី០៨ ខែមករា ឆ្នាំ២០២៦…
ខេត្តព្រះវិហារ ៖ យោងតាមមន្ទីរព័ត៌មានខេត្តព្រះវិហារបានឱ្យដឹងថា ផ្លូវមួយខ្សែនៅជុំវិញស្រះឈូកនឹងលេចចេញជារូបរាងឡើងក្នុងពេលឆាប់ៗខាងមុខ ដើម្បីលើកកម្ពស់មុខមាត់ខេត្ត និងបង្កើនភាពទាក់ទាញសម្រាប់សាធារណជន ក្រោយត្រូវបានធ្វើពិធីបើកការដ្ឋានជាផ្លូវការ កាលពីព្រឹកថ្ងៃទី០៨ ខែមករា ឆ្នាំ២០២៦ ក្រោមអធិបតីភាព ឯកឧត្តម គីម រិទ្ធី អភិបាលនៃគណៈអភិបាលខេត្តព្រះវិហារ ។
ការស្ថាបនាហេដ្ឋារចនាសម្ព័ន្ធថ្មីនេះ គឺជាសក្ខីភាពមួយបង្ហាញពីការយកចិត្តទុកដាក់ខ្ពស់របស់រដ្ឋបាលខេត្ត ក្នុងការអភិវឌ្ឍរូបវន្តក្រុងឱ្យកាន់តែស្រស់បំព្រង ។
ផ្លូវនេះមិនត្រឹមតែជួយសម្រួលដល់ការធ្វើដំណើរ និងការហាត់ប្រាណរបស់បងប្អូនប្រជាពលរដ្ឋឱ្យកាន់តែងាយស្រួល និងសុវត្ថិភាពប៉ុណ្ណោះទេ ប៉ុន្តែវានឹងក្លាយជាទីតាំងលំហែកម្សាន្តដ៏សំខាន់មួយ សម្រាប់លើកកម្ពស់សុខុមាលភាព និងសោភ័ណភាពក្នុងក្រុងព្រះវិហារទាំងមូល ។
ចែករំលែកព័តមាននេះ