រាជធានីភ្នំពេញ៖ ថ្នាក់ដឹកនាំក្រសួងសុខាភិបាលបាននិយាយថាវីរុសកូវីដ ១៩ គឺអាចឆ្លង និងកើតមានលើគ្រប់មនុស្សមិនថាឋានៈឧកញ៉ា ឬឋានៈជាអ្វីនោះទេ ដូច្នេះសូមពលរដ្ឋខ្មែរបង្កើនការប្រុងប្រយ័ត្នខ្ពស់ ។
ជាមួយគ្នានោះផងដែរ លោកវេជ្ជបណ្ឌិត លី សុវណ្ណ ប្រធាននាយកដ្ឋានប្រយុទ្ធនឹងជំងឺឆ្លង ហៅកាត់ថា CDC បានឲ្យដឹងនៅឯសន្និសិទ្ធសារព័ត៌មាននៅទីស្តីការក្រសួងសុខភាភិបាលថា ក្រៅពីឧកញ៉ា និងមានជនជាតិចិន និងជនជាតោវៀតណាម ហើយអ្នកផ្សេងទៀតដែលបានទៅគ្លីនិក កន្លែងកែសម្ភស្ស គឺបានរកឃើញនិងធ្វើតេស្តឃើះថា «អវិជ្ជមានទាំងអស់» តែយើងនៅបន្តតាមដានសុខភាព ចំនួន ១៤ ថ្ងៃ រាប់ចាប់ពីថ្ងៃប៉ះពាល់ចុងក្រោយ ។
លោកវេជ្ជបណ្ឌិតបានបន្តថា ចំនួនអ្នកឆ្លងមានការថយច្រើន ដូច្នេះចំនួនអ្នកដាក់ដាច់ដោយឡែកមកដល់មានពេលនេះគឺមានចំនួន ២៦៦ នាក់ ហើយក្នុងនោះ ៨៦នាក់តាមដានដោយយកចិត្តទូកដាក់ខ្ពស់បំផុត ព្រោះពួកគាត់ត្រូវបានចាត់ទុកជាអ្នកប្រឈមមុខហានិភ័យខ្ពស់ (high risk) ។
លោកបានបន្តថា គិតចាប់ពីថ្ងៃទី ២៧ មករា រហូតមកដល់ពេលនេះ មានអ្នកប៉ះផ្ទាល់និងប្រយោលជាមួយអ្នកផ្ទុកកូវីដ ១៩ គឺមាន ប្រមាណ ២២០០នាក់ទូទាំងប្រទេស ៕
ចែករំលែកព័តមាននេះ