ខេត្តព្រះសីហនុ ៖ នៅរសៀលថ្ងៃទី១២ ខែមេសា ឆ្នាំ២០២០នេះ លោកឧកញ៉ា ទៀ វិចិត្របាននាំយកម្ហូបអាហារ និងគ្រឿងឧបភោគបរិភោគទៅឧបត្ថម្ភជូនអជ្ញាធរ និងកងកម្លាំងមានសមត្ថកិច្ចខេត្តព្រះសីហនុ ដែលកំពុងប្រចាំការនៅក្នុងតំបន់ស្រុកព្រៃនប់ ចំណុចបណ្តោយផ្លូវជាតិលេខ៣ (វាលរេញ-កំពត) ជាប់ព្រំប្រទល់ត្រពងរពៅ ខេត្តកំពត ដែលហាមឃាត់មិនអោយពលរដ្ឋធ្វើដំណើរចល័តឆ្លងខេត្ត តាមបទបញ្ជារបស់រាជរដ្ឋាភិបាលនៃព្រះរាជាណាចក្រកម្ពុជា ក្នុងគោលបំណងទប់ស្កាត់មិនអោយឆ្លងជំងឺកូវីដ១៩។
លោកម៉ាង ស៊ីណេត អភិបាលរងខេត្តព្រះសីហនុ ដែលទទួលផ្នែកស្រុកព្រៃនប់បានថ្លែងថា ក្នុងនាមរដ្ឋបាលខេត្តបានថ្លែងអំណរគុណដល់លោកឧកញ៉ាទៀ វិចិត្រ ដែលបានចូលរួមចំណែកយ៉ាងច្រើនជាមួយរដ្ឋបាលខេត្តសម្រាប់យុទ្ធនាការ ទប់ស្កាត់ជំងឺកូវីដ១៩ជាបន្តបន្ទាប់កន្លងមក៕
ចែករំលែកព័តមាននេះ