ទីក្រុងឡុងដ៍ ៖ គិលានុប្បដ្ឋាយិកា ចំនួន៣នាក់ គេមើលឃើញនាងបានប្រើថង់ដាក់ក្នុងធុងសម្រាប់វេចខ្ចប់សំរាម ដោយសារតែខ្វះខាតបរិក្ខាការពារ ត្រូវបានគេរាយការណ៍កាលពីយប់មិញថា បានធ្វើតេស្តរកឃើញឆ្លងវីរុស COVID-19 ទាំងអស់គ្នា នេះបើតាម dailymail ចុះផ្សាយថ្ងៃទី៩ មេសានេះ។
អ្នកទាំង៣រូប ជាបុគ្គលិកពេទ្យជួរមុខ នៅមន្ទីរពេទ្យ ណតវ៉េក ផាក Northwick Park ក្នុងទីក្រុង Harrow ប្រទេសអង់គ្លេស ត្រូវបានបង្ខំចិត្ត ដោយយកថង់សំរាមគ្លីនិក ពាក់នៅក្បាល និងជើងរបស់ពួកគេ កាលពីខែមុន ដោយសារកង្វះខាត ឧបករណ៍ការពារ ផ្ទាល់ខ្លួន (បរិក្ខាវេជ្ជសាស្ត្រ) ។
ប្រភពពីប្រធានមន្ទីពេទ្យ បានប្រាប់សារព័ត៌មាន Daily តាមរយៈសារ Telegraph ថា គិលានុបដ្ឋាយិកាទាំង៣នាក់ ត្រូវបានគេធ្វើរោគវិនិច្ឆ័យ ឃើញថា មានផ្ទុកមេរោគកូវីដ១៩នេះ នៅឯមជ្ឈមណ្ឌលតេស្ត ខាងជើងទីក្រុងឡុងដ៍ កាលពីសប្តាហ៍មុន ។
ណតវ៉េក ផាក គឺជាមន្ទីរពេទ្យដំបូងគេ នៅក្នុងប្រទេសអង់គ្លេស ដែលប្រកាសពីភាពអាសន្នធ្ងន់ធ្ងរ បន្ទាប់ពីការហូរចូលនៃអ្នកជំងឺកូវីដ១៩ យ៉ាងកំហុក ។ បុគ្គលិកជាងពាក់កណ្តាល ត្រូវបានគេរាយការណ៍ថា បានឆ្លងវីរុសនេះ ហើយថៅកែមន្ទីរពេទ្យ ត្រូវបានស្តីបន្ទោស ចំពោះការខកខាន មិនបានផ្តល់ឱ្យពួកគេនូវ បរិក្ខាវេជ្ជសាស្ត្រ សម្រាបការពារឲ្យបានត្រឹមត្រូវ ។
អ្នកនាំពាក្យផ្នែកសុខភាព ដែលគ្រប់គ្រងមន្ទីរពេទ្យ Northwick Park បាននិយាយថា ពិតហើយ បុគ្គលិកមួយចំនួនរបស់យើងដែលធ្វើការនៅក្នុងតំបន់ប្រឈមខ្លាំង គឺបានធ្វើតេស្តរកឃើញវីរុសនេះ វិជ្ជមាន Covid-19 ។ យើងមិននឹកស្មានដល់ទេ ប៉ុន្តែយើងកំពុងផ្តល់ការគាំទ្រយ៉ាងពេញទំហឹងដល់បុគ្គលិករបស់យើងដែលបានធ្លាក់ខ្លួនឈឺ (ព្យាបាល) ហើយសូមជូនពរឲ្យពួកគេឆាប់ជាសះស្បើយ ៕
ចែករំលែកព័តមាននេះ