វ៉ាស៊ីនតោន ៖ សហជីពតំណាងឱ្យអ្នកបម្រើការលើយន្តហោះរបស់ក្រុមហ៊ុនអាកាសចរណ៍អាមេរិចបាននិយាយថា អ្នកបម្រើតាមយន្តហោះប្រហែលជា ១០០ នាក់បានធ្វើតេស្ត៍រកមើលវីរុសកូវីដ ហើយជាលទ្ធផល គឺអ្នកទាំងអស់នោះត្រូវបានរកឃើញថាមានផ្ទុកកូវីដ ១៩ ។…
វ៉ាស៊ីនតោន ៖ សហជីពតំណាងឱ្យអ្នកបម្រើការលើយន្តហោះរបស់ក្រុមហ៊ុនអាកាសចរណ៍អាមេរិចបាននិយាយថា អ្នកបម្រើតាមយន្តហោះប្រហែលជា ១០០ នាក់បានធ្វើតេស្ត៍រកមើលវីរុសកូវីដ ហើយជាលទ្ធផល គឺអ្នកទាំងអស់នោះត្រូវបានរកឃើញថាមានផ្ទុកកូវីដ ១៩ ។ នេះបើយោងតាមការចុះផ្សាយរបស់ CNN នៅថ្ងៃទី ៨ មេសានេះ ។
សមាគមអ្នកបម្រើលើយន្តហោះអាជីព ហៅកាត់ថា (APFA) ដែលតំណាងឱ្យអ្នកធ្វើការលើហោះយន្តហោះជាង ២៧.០០០ នាក់បានបង្ហាញតួលេខនៅក្នុងសារទៅកាន់សមាជិករបស់ខ្លួនហើយបាននិយាយថាក្រុមហ៊ុនអាកាសចរណ៍បានយល់ព្រមចាប់ផ្តើមផ្តល់ម៉ាស់មុខសម្រាប់សមាជិកក្រុមជួរមុខដែលធ្វើការផ្ទាល់ជាមួយអ្នកធ្វើដំណើរលើយន្តហោះ ខណៈពេលដែលនៅកន្លែងធ្វើការអ្នកគួរតែជ្រើសរើសពាក់មួយ។ សហជីពបាននិយាយថាម៉ាស់មុខកំពុងត្រូវបានចែកចាយនៅសប្តាហ៍នេះ។
ប្រធាន APFA លោកស្រី Julie Hedrick បាននិយាយកាលពីថ្ងៃអង្គារថាសហជីពបាននិងកំពុងជំរុញក្រុមហ៊ុនអាកាសចរណ៍នានាចាប់តាំងពីខែមករាមកម្លេះ ដើម្បីផ្តល់នូវឧបករណ៍ការពារផ្ទាល់ខ្លួនសម្រាប់អ្នកបម្រើការងារតាមយន្តហោះ។ លោកស្រីបាននិយាយថា «យើងបានធ្វើការតស៊ូមតិ ដើម្បីទាមទារឲ្យមានការផ្តល់នូវឧបករណ៍ការពារផ្ទាល់ខ្លួនសម្រាប់អ្នកធ្វើការលើយន្តហោះទាំងអស់ រួមទាំងវិធីសាស្ត្ររក្សាគម្លាតពីគ្នាអ្នកដំណើរនិងអ្នកបម្រើលើយន្តហោះ ការស្កេនកម្ដៅនៅអាកាសយានដ្ឋាននិងដើម្បីទទួលបានការជូនដំណឹងជាបន្ទាន់ពីអ្នកបម្រើតាមជើងហោះហើរដែលបានធ្វើតេស្ត៍រកឃើញមានផ្ទុកវីរុសនេះ» ។
លោកស្រីបានបន្តថា « អ្នកបម្រើការងារលើយន្តហោះ គឺជាអ្នកឆ្លើយតបដំបូងរបស់អាកាសចរណ៍ដែលកំពុងដឹកបុគ្គលិកពេទ្យ និងគ្រឿងផ្គត់ផ្គង់ទៅក្នុងមណ្ឌល COVID-១៩ ហើយពួកគេត្រូវការការព្យាបាលនិងការពារឲ្យបានល្អ» ។ ម្ចាស់ក្រុមហ៊ុនអាកាសចរណ៍មិនធ្វើការអត្ថាធិប្បាយលើបញ្ហានៃការរកឃើញអ្នកបម្រើលើយន្តហោះដ៏ធំជាងគេលើពិភពលោកដែលត្រូវបានរកឃើញថាមានផ្ទុកកូវីដ១៩ ។
យ៉ាងណាមិញក្រុមហ៊ុនអាកាសចរណ៍មួយនេះបានចេញសេចក្តីថ្លែងការណ៍មួយថា «សុវត្ថិភាពរបស់អតិថិជននិងសមាជិកក្រុមរបស់យោងគឺជារឿងអាទិភាពខ្ពស់បំផុតសម្រាប់យើង ។ យើងបានធ្វើការជិតដិតជាមួយនឹងមជ្ឈមណ្ឌលគ្រប់គ្រងនិងបង្ការជំងឺ និងមន្ត្រីសុខភាពសាធារណៈ និងកំពុងសម្របសម្រួលជាមួយពួកគេសម្រាប់វិធានការទាក់ទងនឹងសុខភាពនិងសុវត្ថិភាពដែលត្រូវការចាំបាច់នានា ។ យើងបន្តពិនិត្យមើលគ្រប់វិធីដែលយើងអាច យកចិត្តទុកដាក់និងការពារក្រុមរបស់យើងក្នុងកំឡុងពេលដ៏តានតឹងនេះ» ៕
ចែករំលែកព័តមាននេះ