រាជធានីភ្នំពេញ ៖ សម្តេចតេជោ ហ៊ុន សែន បានថ្លែងថា រាជរដ្ឋភិបាលកម្ពុជាសម្រេចផ្អាកការចូលឆ្នាំប្រពៃណីជាតិខ្មែរ ហើយតម្រូវឲ្យស្ថាប័នរដ្ឋនិងឯកជនធ្វើការធម្មតា ហើយរដ្ឋនឹងសងវិញចំនួន ៥ ថ្ងៃនេះថ្ងៃធម្មតា។
សម្តេចបានបញ្ជាក់ថា «កន្លែងធ្វើការនៅរោងចក្រ ស្ថាប័ន មានសុវត្ថិភាពបំផុត» ។ ដូច្នេះការផ្អាកការចូលឆ្នាំប្រពៃណីខ្មែរជាជម្រើសល្អបំផុត ព្រោះបើទុកបណ្តោយឲ្យដើរលេង ស្ថានភាពនឹងមានហានិភ័យបំផុត» ។ សម្តេចបានបញ្ជាក់ថា មិនទាន់ចូលឆ្នាំខ្មែរ ខ្លះបានបន្តជល់កែវ ហាក់មិនខ្លាចការឆ្លងកូវីដ១៩ សោះ ។
សម្តេចតេជោបញ្ជាក់ថា ៖« ខ្ញុំសូមបញ្ជាក់ជូនប្រជាពលរដ្ឋថា ផ្អាកចូលឆ្នាំ ដើម្បីទប់ស្កាត់កុំឆ្លងជំងឺកូវីដ១៩ ពីអ្នកកើតទៅអ្នកមិនទាន់កើត ដែលជាវិធានការមួយ ហើយ សងវិញថ្ងៃឈប់សម្រាកវិញនៅពេលក្រោយ ។ អំពាវនាវដល់កម្មករធ្វើការជាធម្មតាដោយយកលុយធម្មតា» ។
សម្តេចបានថ្លែងបែបនេះនៅថ្លែងនៅសន្និសីទកាសែតស្តីពីកូវីដ១៩ នៅព្រឹកថ្ងៃទី ៧ មេសា នៅវិមានសន្តិភាពថាបណ្តារោងចក្រ ក្រុមហ៊ុន សហគ្រាសនានា ត្រូវបន្តការងារជាធម្មតា រួចហើយឯកភាពគ្នាសងឲ្យឈប់សម្រាក ៥ ថ្ងៃពេលកូវីដ ១៩ ស្ងប់ស្ងាត់ ។ ទៅស្រុកធ្វើអី ព្រោះអ្នកជនបទខ្លាចអ្នកភ្នំពេញនាំជំងឺចូលស្រុក ហើយអ្នកភ្នំពេញខ្លាចអ្នកនៅស្រុកមកឆ្លងនៅភ្នំពេញ ៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ