ជាការពិតណាស់ការផ្លាស់ប្តូរទម្លាប់បើកបរពីការប្រកាន់ស្តាំដៃនិងឆ្វេងដៃនៃផ្លូវ ក៏ដូចជាការប្រើប្រាស់រថយន្តចង្កូតឆ្វេង-ស្តាំ គឺជារឿងលំបាកសម្រាប់អ្នកបញ្ជាយានយន្ត ដែលតម្រូវឱ្យមានការប្រមូលផ្តុំស្មារតីខ្ពស់ ដើម្បីបំពេញកាតព្វកិច្ចប្រកបដោយសុវត្ថិភាព ។
ខាងក្រោមនេះ ជាចំណុចស្នូលនៃការបើកបរ៖
ជាការពិតណាស់ការផ្លាស់ប្តូរទម្លាប់បើកបរពីការប្រកាន់ស្តាំដៃនិងឆ្វេងដៃនៃផ្លូវ ក៏ដូចជាការប្រើប្រាស់រថយន្តចង្កូតឆ្វេង-ស្តាំ គឺជារឿងលំបាកសម្រាប់អ្នកបញ្ជាយានយន្ត ដែលតម្រូវឱ្យមានការប្រមូលផ្តុំស្មារតីខ្ពស់ ដើម្បីបំពេញកាតព្វកិច្ចប្រកបដោយសុវត្ថិភាព ។
ខាងក្រោមនេះ ជាចំណុចស្នូលនៃការបើកបរ៖
១-ចូរផ្ចង់ស្មារតីថា អ្នកនឹងកំពុងតែអង្គុយនៅកៅអីខាងស្តាំនៃរថយន្ត ដែលផ្ទុយពីទម្លាប់កាលពីមុន ។ ចំពោះករណីនេះ គឺវាត្រូវការពេលវេលាខ្លះ ដើម្បីឱ្យលោកអ្នកសមនឹងការអនុវត្តប្រចាំថ្ងៃ តាមសេចក្តីណែនាំរយៈពេលប្រមាណជា២១ថ្ងៃ ទើបវាអាចឱ្យអ្នកទម្លាប់បានល្អ ។
២-ចូរផ្ចង់ស្មារតីថា ចង្កឹះលេខដែលនឹងប្រើប្រាស់ផ្ទុយពីទម្លាប់កាលពីមុនរបស់អ្នក ។ ប៉ុន្តែប្រសិនជាអាចអ្នកគួរបើករថយន្តប្រើលេខស្វ័យប្រវត្តិ ឬលេខអូតូ ទើបគ្មានបញ្ហាអំពីការបញ្ចូលលេខទ្បើងចុះតាមកាលៈទេសៈតម្រូវ ។
តែបើរថយន្តនោះ ជាប្រភេទលេខដៃវិញ អ្នកក៏នឹងចាំបាច់ត្រូវមានស្មារតីប្រុងប្រយ័ត្នជានិច្ចលើមុខងាររបស់ដៃ ហើយដៃទាំងទ្វេនោះក៏មិនតម្រូវឱ្យប្រើប្រាក់នៅក្នុងការផ្លាស់ប្តូរ ឬបញ្ចូលលេខតែមួយផ្នែកនោះទ្បើយ ។
៣-សូមចងចាំនូវការប្រកាន់យកឆ្វេងដៃនៅពេលបើកបរ ។ ករណីនេះ គឺជារឿងលំបាកបំផុតក៏អាចថាបាន ខណៈដែលផ្លូវមានសភាពស្ងប់ស្ងាត់ ឬឥតមានរថយន្តចរាចរណ៍ ។ នៅពេលដែលរថយន្តដទៃមានវត្តមានលើដងផ្លូវជាក់ស្តែង គឺអ្នកគួរតែធ្វើការបើកបរទៅមុខបន្តទៀត ប៉ុន្តែនៅក្នុងការគិតអាចរវើររវាយ ឬភ័ណ្ឌច្រទ្បំបានយ៉ាងងាយនៅពេលអ្នកមានអារម្មណ៍នឿយណាយ ឬក៏បាត់បត់ស្មារតី ហើយវាក៏ជាកត្តាងាយនឹងជួបគ្រោះថ្នាក់ក្នុងពេលប្តូរទម្លាប់បើកបរប្រកាន់ស្តាំវិញផងដែរ ។ ដូច្នេះចូរប្រុងស្មារតី ឬប្រុងប្រយ័ត្នជានិច្ច ហើយកុំព្យាយាមបើកបរនៅពេលអ្នកមានអារម្មណ៍នឿយណាយឱ្យសោះ ពោលគឺអ្នកគួររកទីតាំងសុវត្ថិភាព និងសមគួរអែបឈប់រថយន្តសម្រាកខណៈសិន ទើបបន្តដំណើរទៅមុខទៀត ។
៤-រៀនបើកបត់នៅក្នុងទិសដៅផ្ទុយ ។ បើទោះជាដំបូងទ្បើយវាដូចជា មានអារម្មណ៍ប្លែកក៏ដោយ ក៏អ្នកត្រូវអនុវត្តជាប្រចាំដែរ ព្រោះធ្វើបែបនេះនឹងនាំឱ្យអ្នកថ្នឹកក្នុងការបើកបត់ចំពោះរថយន្តចង្កូតស្តាំ ។ ប៉ុន្តែសូមចងចាំថា ជោគជ័យទាំងនោះគឺទទួលបានមកពីការអនុវត្ត ។
៥-រៀនបើកបត់ឆ្វេង ។ នៅលើផ្លូវមួយចំនួននឹងតម្រូវឱ្យអ្នកប្រើប្រាស់មធ្យោបាយត្រឹមត្រូវក្នុងការបត់ ហើយវាក៏អាចជាការខិតខំអស់ពីសមត្ថភាពនិងកម្លាំងកាយចិត្តដែរ នៅពេលមានអ្នកថ្មើរជើងកំពុងឆ្លងកាត់ផ្លូវ ។
៦-ប្រើប្រាស់ដៃទាំងសងខាងរបស់អ្នកតាមលទ្ធភាពនៅក្នុងការបើកបរដោយរីករាយ ពិសេសគឺបន្ទន់ដៃយកចង្កូតតាមសម្រួល កុំបង្ខំឱ្យសោះ ។ *ខាងក្រោមនេះគឺជាបញ្ជីរាយនាមបណ្តាប្រទេសអាស៊ានទាំង១០ ដែលបើកបររថយន្តប្រកាន់ឆ្វេងដៃនិងស្តាំដៃនៃផ្លូវ៖
ក/ប្រទេសបើកបរប្រកាន់ស្តាំៈ
-កម្ពុជា
-ទ្បាវ
-ហ្វ៊ីលីពីន
-វៀតណាម
-មីយ៉ាន់ម៉ា
ខ/ប្រទេសបើកបរប្រកាន់ឆ្វេងៈ
-ព្រុយណេ
-ឥណ្ឌូណេស៊ី
-ម៉ាទ្បេស៊ី
-សិង្ហបុរី
-ថៃ
ចែករំលែកព័តមាននេះ