ប្រធាន UEFA បញ្ជាក់កាលបរិច្ឆេទចុងក្រោយសម្រាប់ការប្រកួតពានទ្វីបអឺរ៉ុបទាំង២
ប្រធានសហព័ន្ធបាល់ទាត់ទ្វីបអឺរ៉ុប UEFA បានបញ្ជាក់ថា ថ្ងៃទី ៣ ខែ សីហា ឆ្នាំ ២០២០ គឺជាកាលបរិច្ឆេទចុងក្រោយ…
ប្រធានសហព័ន្ធបាល់ទាត់ទ្វីបអឺរ៉ុប UEFA បានបញ្ជាក់ថា ថ្ងៃទី ៣ ខែ សីហា ឆ្នាំ ២០២០ គឺជាកាលបរិច្ឆេទចុងក្រោយ…
ប្រធានសហព័ន្ធបាល់ទាត់ទ្វីបអឺរ៉ុប UEFA បានបញ្ជាក់ថា ថ្ងៃទី ៣ ខែ សីហា ឆ្នាំ ២០២០ គឺជាកាលបរិច្ឆេទចុងក្រោយ ដែលត្រូវបញ្ចប់ការប្រកួតទាំងពានរង្វាន់ Champions League និង Europa League រដូវកាលនេះ ។
ដោយសារតែការរីករាលដាលនៃវីរុស Covid-19 បាននាំឱ្យមានការអូសបន្លាយពេលយូរសម្រាប់ព្រឹត្តិការណ៍កីឡា ស្ទើរតែគ្រប់ប្រទេសនៅជុំវិញពិភពលោក ដែលក្នុងនោះបានជះឥទ្ធិពលលើប្រព័ន្ធបាល់ទាត់ទ្វីបអឺរ៉ុបមិនធ្លាប់មានពីមុន ។ លីគកំពូល ៗ ជាច្រើនត្រូវបានផ្អាកដោយគ្មានកំណត់ពេល រាប់បញ្ចូលទាំងក្របខ័ណ្ឌកំពូលអង់គ្លេស Premier League ផងដែរ ។
ប្រធាន UEFA ក៏បានលើកឡើងថា យុទ្ធនាការនៃក្របខ័ណ្ឌ Champions League និង Europa League ក៏អាចមានភាគរយនឹងត្រូវលុបចោល ប្រសិនបើការប្រកួតមិនអាចបញ្ចប់នៅដើមខែសីហា ។
លោក Aleksander Ceferin បានប្រាប់អ្នកយកព័ត៌មានរបស់វិទ្យុអាឡឺម៉ង់ ZDF ថា «វាត្រូវតែបញ្ចប់នៅថ្ងៃទី ៣ ខែ សីហាទាំង Champions League និង Europa League ។ យើងអាចបត់បែនតាមកាលបរិច្ឆេទ និងពេលវេលាចាប់ផ្តើម ។ ប្រសិនបើវិបត្តិធូរស្រាលជាងនេះ យើងអាចចាប់ផ្តើមភ្លាមៗ» ។
លោកបានបន្តទៀតថា «យើងអាចលេងជាមួយប្រព័ន្ធបច្ចុប្បន្ន ឬការប្រកួតតែមួយ (គ្មានជើង១ និងជើងទី២) ។ សម្រាប់ពេលនេះវាគ្រាន់តែជាជម្រើសក្នុងការលេងជាមួយវគ្គ ៨ក្រុម ឬ ៤ក្រុមចុងក្រោយតែប៉ុណ្ណោះ»៕ (ដកស្រង់ចេញពី Goal.com)
ចែករំលែកព័តមាននេះ