រថយន្ត​ទើបនឹង​ទិញ​មិន​ទាន់​ជិះ​ទៅ​លេង​​ស្រុក​ផង ឆេះ​ខ្ទេច​អស់​ជាង​២​ម៉ឺន​ដុល្លារ


រាជធានី​ភ្នំពេញ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា រថយន្ត​ម៉ាក RANGROVER ស៊េរី​ឆ្នាំ​២០០៦ ត្រូវ​អគ្គិភ័យ​ឆាបឆេះ​យ៉ាង​សន្ធោសន្ធៅ​នៅ​សល់​តែ​ដែក ខណៈ​ម្ចាស់​បញ្ឆេះ​សាក់ ហើយ​ចេញ​បាន​បន្តិច​ក៏​ឆ្លង​ចរន្ត​ឆេះ បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​ប្រមាណ​៣​និង​៥៥​នាទី​រសៀល ថ្ងៃ​ទី​០៤ ខែមេសា ឆ្នាំ ២០២០ នៅ​ក្នុង​នាយកដ្ឋាន​គ្រឿងយន្ត​កសិកម្ម នៅ​តាម​ផ្លូវ​ភ្នំពេញ​ហាណូយ ខាងត្បូង​ផ្សារ​ដី​ហុយ ក្នុងភូមិ​រោងចក្រ សង្កាត់​គោក​ឃ្លាង ខណ្ឌ​សែន​សុខ នោះ តាម​ពិត​រថយន្ត​ដែល​ទើបតែ​ទិញ​បាន​ជាង​១​ខែ​ក្នុង​តម្លៃ​ជាង​២​ម៉ឺន​ដុល្លារ ដែល​មាន​ម្ចាស់​ត្រូវ​បាន​គេ​ស្គាល់​ថា ជា​របស់​មន្ត្រី​ចូល​និវត្តន៍ ។

សេចក្តីរាយការណ៍​បន្ត​ថា រថយន្ត​ដែល​ត្រូវ​ភ្លើង​ឆេះ​ខាងលើ​នោះ ម៉ាក RANGROVER សេរី​ឆ្នាំ​២០០៦ ពាក់​ស្លាក​លេខ ភ្នំពេញ ២P.០២៦៨ មាន​ម្ចាស់​ដែល​គេ​ស្គាល់​ថា ជា​មន្ត្រី​ចូល​និវត្តន៍​របស់​នាយកដ្ឋាន​គ្រឿងយន្ត​កសិកម្ម នៃ​ក្រសួងកសិកម្ម រុក្ខា​ប្រមាញ់​និង​នេសាទ ។

តាម​ព័ត៌មាន​ឱ្យ​ដឹង​ថា នៅ​មុន​ពេល​កើតហេតុ ស្រាប់តែ​រថយន្ត​ដែល​ចត​ទុក​ចោល​ខាងលើ​ឆាបឆេះ​យ៉ាង​សន្ធោសន្ធៅ​តែ​ម្តង ។ បន្ទាប់​ពី​កើត​មាន​អគ្គី​ភ័យ​នោះ នគរបាល​ក៍បាន​ចេញ​រថយន្ត​ពន្លត់អគ្គីភ័យ​ចំនួន​២​គ្រឿង បាញ់​ពន្លត់ តែ​រថយន្ត​នោះ​ត្រូវ​ភ្លើង​ឆេះ​ក្លាយជា​ដែក​ទៅ​ហើយ ។

តាម​ម្ចាស់​រថយន្ត បានអោយ​ដឹង​ថា រថយន្ត​នោះ ត្រូវ​បាន​គាត់​ឈប់​ចត​ជា​ប្រចាំ​នៅ​ក្នុង​នាយក​ដ្ឋាន​។ ហើយ​នៅ​មុន​ពេល​កើតហេតុ គាត់​ក៏​បាន​បញ្ឆេះ​រថយន្ត​សាក​អា​គុយ លុះ​មួយសន្ទុះ​ក៏​បាន​ចុះ​ចេញ​បាន​បន្តិច ស្រាប់តែ​ភ្លើង​បាន​ឆាបឆេះ​ចេញពី​ម៉ាស៊ីន​ផ្នែក​ខាង​មុខ យ៉ាង​សន្ធោសន្ធៅ​តែ​ម្តង​។

តាម​ម្ចាស់​អោយ​ដឹង​ថា រថយន្ត​នោះ គាត់​ទើបតែ​ទិញ​បាន​ជាង​១​ខែ​ក្នុង​តម្លៃ​ជាង​២​ម៉ឺន​ដុល្លារ មិន​ទាន់​បាន​ជិះ​ទៅ​លេង​ស្រុក​ម្តង​ផង ក៏​ឆេះ​ខ្ទេច​បាត់​ទៅ​ហើយ ។ ទាក់ទិន​នឹង​ការ​កើត​មាន​អគ្គី​ភ័យ​នេះ ម្ចាស់​មានការ​សង្ស័យ​ថា បណ្តាល​មក​ឆ្លង​ចរន្ត ៕ (​កែសម្រួល​ដោយ ៖ បុប្ផា​)

ព័ត៌មាន​ជាតិ

Sponsored News

ការស្ទង់មតិគេហទំព័រថ្មី




សូម​អរគុណ