រាជធានីភ្នំពេញ ៖ ទោះបីមានមន្ទីរពេទ្យសម្រាប់ព្យាបាលជំងឺរលាកផ្លូវដង្ហើមយ៉ាងណាក្តី ក៏ជំងឺប្រភេទមួយនេះនៅតែបង្កឱ្យមានក្តីកង្វល់ សម្រាប់កម្ពុជា ប្រសិនបើគ្មានការព្យាបាល ឬវិធានការសម្រាប់ទប់ស្កាត់ឱ្យទាន់ពេលវេលាទេនោះ ។ លោកវេជ្ជបណ្ឌិតគឹម អាង សាស្ត្រាចារ្យ ផ្នែករោគកុមារនៃសាកលវិទ្យាល័យវិទ្យាសាស្ត្រសុខាភិបាល និងជាអនុប្រធានការិយាល័យ នៃមន្ទីពេទ្យកុមារជាតិ
រាជធានីភ្នំពេញ ៖ ទោះបីមានមន្ទីរពេទ្យសម្រាប់ព្យាបាលជំងឺរលាកផ្លូវដង្ហើមយ៉ាងណាក្តី ក៏ជំងឺប្រភេទមួយនេះនៅតែបង្កឱ្យមានក្តីកង្វល់ សម្រាប់កម្ពុជា ប្រសិនបើគ្មានការព្យាបាល ឬវិធានការសម្រាប់ទប់ស្កាត់ឱ្យទាន់ពេលវេលាទេនោះ ។ លោកវេជ្ជបណ្ឌិតគឹម អាង សាស្ត្រាចារ្យ ផ្នែករោគកុមារនៃសាកលវិទ្យាល័យវិទ្យាសាស្ត្រសុខាភិបាល និងជាអនុប្រធានការិយាល័យ នៃមន្ទីពេទ្យកុមារជាតិឲ្យដឹងក្នុងសិក្ខាសាលាផ្សព្វផ្សាយឱសថNoe- Codion របស់ក្រុមហ៊ុន ដេប៉ូ មិច នាព្រឹកថ្ងៃទី៣ តុលា នៅសណ្ឋាគាសាន់វ៉េ ស្តីពីជំងឺរលាកផ្លូវដង្ហើមថា ជំងឺរលាកផ្លូវដង្ហើមគឺជាក្ដីកង្វល់មូយសម្រាប់ប្រទេសកំពុងអភិវឌ្ឍនៅលើពិភពលោកដែលប្រទេសកម្ពុជាស្ថិតក្នុងចំណោមបណ្តាប្រទេសទាំងនោះដែរ ។ លោកបន្តថា តាមស្ថិតិជាច្រើនលើកឡើងថា អត្រាស្លាប់របស់កុមារចំពោះជំងឺផ្លូវដង្ហើមមានចន្លោះពី២០%ទៅ២៥%និងអត្រានៃជំងឺផ្លូវដង្ហើមរបស់កុមារមានចំនួនច្រើនជាងជំងឺផ្សេងៗ ។
លោកវេជ្ជបណ្ឌិតសង្កត់ធ្ងន់ថា ជំងឺផ្លូវដង្ហើមកំពុងស្ថិតក្នុងការព្យាបាលជាអាទិភាពជាងគេនិងត្រូវការគ្រូពេទ្យជំនាញផ្នែកកុមារ។ ជំងឺផ្លូវដង្ហើមអាចនិយាយបានថា កើតឡើងក្នុងរដូវត្រជាក់ ឬអាកាសធាតុផ្លាស់ប្តូរ ។ ទោះជាយ៉ាងណាក្តីលោកវេជ្ជបណ្ឌិតប្រាប់ថា ជំងឺរលាកផ្លូវដង្ហើមមិនអាស្រ័យទៅលើកតំបន់ដែលដាច់ស្រយាលនោះទេ ជាក់ស្តែងក្នុងមន្ទីរពេទ្យកុមារជាតិមានកុមារមកពិនិត្យជាច្រើន ។ កន្លងមកក្រសួងសុខាភិបាលបានធ្វើការផ្សព្វផ្សាយតាមកញ្ចក់ទូរទស្សន៍ដល់ប្រជាពលរដ្ឋដើម្បីធ្វើការទប់ស្កាត់ជំងឺរលាកផ្លូវដង្ហើមហើយការផ្សព្វផ្សាយនេះបានធ្វើឲ្យមាតាបិតាបានយល់ដឹងច្រើន ហើយពួកគាត់បានចេះពិនិត្យជំងឺ និងឆាប់នាំយកកុមារទៅមន្ទីពេទ្យទាន់ពេលវេលា ។
លោកវេជ្ជបណ្ឌិត គឹម អាង បន្តទៀតថាសម្រាប់កុមារដែលសម្បូរកើតជំងឺរលាក់ផ្លូវដង្ហើមភាគច្រើនកើតលើកុមារក្រោមអាយុ៥ឆ្នាំដែលជាវ័យមួយត្រូវប្រុងប្រយ័ត្នខ្ពស់ ប៉ុន្តែនៅពេលដែលកុមារមានអាយុលើសពី៥ឆ្នាំឡើងទៅកុមារអាចសុាំនឹងជំងឺបាន ។ ជំងឺរលាកផ្លូវដង្ហើមកំពុងជាអាទិភាពមួយសម្រាប់គ្រូពេទ្យនៅកម្ពុជាក្នុងការព្យាបាល ។
លោកសាស្ត្រចារ្យបានបញ្ជក់ថា «ខ្ញុំយល់ថា ជំងឺផ្លូវដង្ហើម នៅតែជាផ្នែកអាទិភាពមួយសម្រាប់ផ្នែកសុខាភិបាលនៃប្រទេសកម្ពុជាយើងដដែល» ។ ហើយនៅក្នុងសិក្ខាសាលានេះផងដែរបានយកបញ្ហានេះមកសិក្សា តើមានបន្ទុកប៉ុន្មាន ក្នុងចំណោមកុមារស្លាប់ និងកុមារសម្រាកនៅមន្ទីរពេទ្យទោះបីថា ជំងឺរបស់កុមារមានច្រើនប្រភេទតែជំងឺផ្លូវដង្ហើមនេះគឺមានកម្រិតខ្ពស់ជាងគេ» ។លោកសាស្ត្រាចារ្យក៏បានអំពាវនាវ ដល់ប្រជាពលរដ្ឋត្រូវនាំកូនចៅទាំងអស់ ទៅចាក់វ៉ាក់សាំងការពារជំងឺផ្លូវដង្ហើមនេះឲ្យបានគ្រប់គ្នា និងនៅពេលដែលមានជំងឺនេះកើតឡើង ត្រូវប្រញាប់បញ្ជូនពួកគេទៅព្យាបាលនៅមនី្ទរពេទ្យ ។
ជាមួយនឹងការប្រឈមរបស់កុមារផ្នែកផ្លូវដង្ហើមនោះកញ្ញាយូ វណ្ណនី អនុប្រធានពាណិជ្ជកម្មនៃក្រុមហ៊ុនដេប៉ូមិច បានឲ្យដឹងថា ដើម្បីជួយព្យាបាលជំងឺផ្លូវដង្ហើមកុមារនេះក្រុមហ៊ុនបាននាំចូលនូវប្រភេទថ្នាំម្យ៉ាងឈ្មោះNeo-Codion ដែលមានប្រសិទ្ធភាពខ្លាំងក្នុង ការព្យាបាលជំងឺក្អក ។ដោយឡែកឱសថបណ្ឌិតហម កណិកា បានឲ្យដឹងថា Neo-Codion ជាឱសថសម្រាប់ បំបាត់ក្អកហើយអាចបរិភោគបានគ្រប់វ័យនិងមានទម្រង់ជាគ្រាប់ និងទឹកសីុរ៉ូ។ សម្រាប់មនុស្សពេញវ័យប្រើថ្នាំគ្រាប់ និងស៊ីរ៉ូសម្រាប់កុមារ និងទារក ។ ថ្នាំនេះដែរ ក៏មានការទទួលស្គាល់ពីវេជ្ជបណ្ឌិតនានាយ៉ាងទូលំទូលាយ ៕
ចែករំលែកព័តមាននេះ