ក្របខ័ណ្ឌលីគកំពូលសហរដ្ឋអាមេរិក MLS បានប្រកាសនៅថ្ងៃពុធថា កីឡាករម្នាក់របស់ក្លិប Philadelphia Union បានធ្វើតេស្តរកឃើញសញ្ញាវិជ្ជមាននៃវីរុស Covid-19 ។បច្ចុប្បន្នកីឡាករដែលមិនបញ្ចេញឈ្មោះរូបនេះ មិនបានបង្ហាញរោគសញ្ញាធ្ងន់ធ្ងរនៃវីរុសនេះឡើយ…
ក្របខ័ណ្ឌលីគកំពូលសហរដ្ឋអាមេរិក MLS បានប្រកាសនៅថ្ងៃពុធថា កីឡាករម្នាក់របស់ក្លិប Philadelphia Union បានធ្វើតេស្តរកឃើញសញ្ញាវិជ្ជមាននៃវីរុស Covid-19 ។
បច្ចុប្បន្នកីឡាករដែលមិនបញ្ចេញឈ្មោះរូបនេះ មិនបានបង្ហាញរោគសញ្ញាធ្ងន់ធ្ងរនៃវីរុសនេះឡើយ ។
រដូវកាល MLS ត្រូវបានផ្អាកកាលពីខែមុន ដោយសារការឆ្លងរាលដាលនៃវីរុសឆ្លងខាងលើ ដែលបានបង្កឱ្យមានមនុស្សស្លាប់ចំនួន ៥,១១២ នាក់ និងករណីឆ្លងរហូតដល់ជាង ២១៥,០០០ករណីនៅសហរដ្ឋអាមេរិកគិតត្រឹមថ្ងៃទី២ ខែមេសានេះ ។
ក្នុងសេចក្តីថ្លែងការណ៍មួយរបស់ក្លិប Philadelphia Union បានប្រកាសថា «កីឡាករម្នាក់ក្នុងក្រុម Philadelphia Union បានធ្វើតេស្តឃើញមានសញ្ញាវិជ្ជមាន ចំពោះវីរុស Covid-19» ។
«ក្រុមបុគ្គលិកពេទ្យបាននិងកំពុងធ្វើការដោយផ្ទាល់ជាមួយមន្ត្រីពេទ្យ Crozer-Keystone ដើម្បីព្យាបាលកីឡាកររូបនេះ ។ ហើយកីឡាកររូបនេះកំពុងស្ថិតក្នុងការដាក់ដាច់ដោយឡែកពីគ្នា» ។
«បច្ចុប្បន្នគ្មានករណី ឬរោគសញ្ញាណាផ្សេងទៀតនៅក្នុងក្រុមឡើយ ។ ហើយក៏គ្មានកីឡាករ ឬបុគ្គលិកបច្ចេកទេសណាម្នាក់របស់ក្លិប Philadelphia Union ហ្វឹកហាត់នៅឯមជ្ឈមណ្ឌលបណ្តុះបណ្តាល Power Training Complex ឬ Subaru Park ចាប់តាំងពីថ្ងៃព្រហស្បតិ៍ទី ១២ ខែមីនាមក» ៕ (ដកស្រង់ចេញពី Goal.com)
ចែករំលែកព័តមាននេះ