ប្រធាន FIFPro កំពុងផ្តោតសំខាន់ទៅលើក្របខ័ណ្ឌ Premier League របស់ប្រទេសបេឡារុស្ស ដោយបាននិយាយថា រូបលោកមិនយល់ទាល់តែសោះ ដែលលីគនៅតែបន្តលេងចំពេលដែលមានការរីករាលដាលខ្លាំងនៃវីរុស COVID-19…
ប្រធាន FIFPro កំពុងផ្តោតសំខាន់ទៅលើក្របខ័ណ្ឌ Premier League របស់ប្រទេសបេឡារុស្ស ដោយបាននិយាយថា រូបលោកមិនយល់ទាល់តែសោះ ដែលលីគនៅតែបន្តលេងចំពេលដែលមានការរីករាលដាលខ្លាំងនៃវីរុស COVID-19 ។
លីគបេឡារុស្ស គឺជាលីគតែមួយគត់នៅអឺរ៉ុប ដែលនៅតែបន្តដំណើរការ ស្របពេលវីរុសនៅតែបន្តបំផ្លិចបំផ្លាញទូទាំងពិភពលោក ខណៈដែលប្រទេសបេឡារុស្សផ្ទាល់ក៏មានករណីឆ្លងចំនួន១៦៣ករណី និងមនុស្សបាត់បង់ជីវិតចំនួន២នាក់គិតត្រឹមថ្ងៃទី២ ខែ មេសានេះ ។ អ្វីដែលគួរកត់សម្គាល់នោះ គឺលីគបានបន្តអនុញ្ញាតឱ្យអ្នកគាំទ្រចូលរួមទស្សនាដោយផ្ទាល់ថែមទៀត ។
សហព័ន្ធកីឡាករបាល់ទាត់អាជីពអន្តរជាតិ FIFPro បានសម្តែងការហួសចិត្តយ៉ាងខ្លាំងដោយលើកឡើងថា ខ្លួនបានទទួលដំណឹងពីកីឡាករនៅទីនោះថា ពួកគេកំពុងមានការព្រួយបារម្ភយ៉ាងខ្លាំងពីសុខភាពរបស់ពួកគេ ។
លោក Jonas Baer-Hoffmann អគ្គលេខាធិការទូទៅបាននិយាយ នៅក្នុងសន្និសីទកាសែតមួយកាលពីថ្ងៃអង្គារថា «យើងកំពុងអំពាវនាវឱ្យចាត់វិធានការប្រុងប្រយ័ត្នដូចគ្នា ដែលត្រូវបានអនុវត្តនៅក្នុងបាល់ទាត់នៅជុំវិញពិភពលោក » ។
«និយាយដោយត្រង់ទៅ ខ្ញុំមិនអាចយល់បានទេ តើរឿងនេះអាចកើតឡើងយ៉ាងដូចម្តេច ។ ពួកគេត្រូវតែអនុវត្តតាមស្តង់ដារដូចគ្នា ហើយយើងនឹងត្រូវតែធ្វើការងារនេះ ឱ្យមានប្រសិទ្ធិភាពជាងនេះ» ៕ (ដកស្រង់ចេញពី Goal.com)
ចែករំលែកព័តមាននេះ