វ៉ាស៊ីនតុន ៖ ចំនួនអ្នកស្លាប់ដោយសារវីរុសកូវីដ១៩ នៅសហរដ្ឋអាមេរិកបានកើនឡើងដល់ ៣.០០០នាក់ នេះបើយោងតាមការបូកសរុបចុងក្រោយពីមជ្ឈមណ្ឌលវិទ្យាសាស្ត្រ និងវិស្វកម្ម នៃសាកលវិទ្យាល័យ ចនហ៊បឃីនស៍ (CSSE)…
វ៉ាស៊ីនតុន ៖ ចំនួនអ្នកស្លាប់ដោយសារវីរុសកូវីដ១៩ នៅសហរដ្ឋអាមេរិកបានកើនឡើងដល់ ៣.០០០នាក់ នេះបើយោងតាមការបូកសរុបចុងក្រោយពីមជ្ឈមណ្ឌលវិទ្យាសាស្ត្រ និងវិស្វកម្ម នៃសាកលវិទ្យាល័យ ចនហ៊បឃីនស៍ (CSSE) ថ្ងៃទី៣០ មីនានេះ (ម៉ោងក្នុងតំបន់) ។
គិតត្រឹមម៉ោង៩ និង៣០នាទី ថ្ងៃទី៣១ មីនានេះ សហរដ្ឋអាមេរិកបានរាយការណ៍ថា មានអ្នកជំងឺកូវីដ១៩ ស្លាប់ចំនួន ៣.០០៨ នាក់ និងមានអ្នកឆ្លង COVID-19 ចំនួនជាង ១៦៣.០០០ករណី ដែលចំនួននេះកើនលើសប្រទេសចិនទ្វេដង ខណៈចិនមានត្រឹម ៨១,៥០០ករណី ។
នៅរដ្ឋញូវយ៉កវិញ មានទាំងករណីនិងការស្លាប់ច្រើនបំផុត ធៀបនឹងរដ្ឋផ្សេងៗទៀតនៅទូទាំងសហរដ្ឋអាមេរិក ដោយមានអ្នកឆ្លងជាង ៦៧.០០០ ករណី និងយ៉ាងហោចណាស់ ១.៣០០នាក់បានស្លាប់ ។
នៅទូទាំងពិភពលោក មានករណីឆ្លងកូវីដ១៩ សរុបជាង ៧៨៥,០០០ ត្រូវបានគេរាយការណ៍ថា មានមនុស្សស្លាប់ ៣៧.៨០០នាក់ ខណៈមនុស្សជាង ១៦៥.០០០នាក់ បានជាសះស្បើយពីជំងឺនេះ ៕
ចែករំលែកព័តមាននេះ