ប្រទេសជប៉ុន ៖ ប្រព័ន្ធផ្សព្វផ្សាយជប៉ុនបាននិយាយថា គណៈកម្មាធិការអូឡាំពិកអន្តរជាតិ (IOC) និងអ្នករៀបចំប្រទេសជប៉ុន កំពុងស្ថិតនៅក្នុងដំណាក់កាលចុងក្រោយ នៃការពិភាក្សា ដើម្បីកំណត់កាលបរិច្ឆេទបើកការប្រកួតអូឡាំពិកទីក្រុងតូក្យូ នៅខែកក្កដាឆ្នាំក្រោយ។
ប្រព័ន្ធផ្សព្វផ្សាយសាធារណៈរបស់ទូរទស្សន៍ NHK បាននិយាយថា ព្រឹត្តិការណ៍នៅទីក្រុងតូក្យូដែលត្រូវបានពន្យារពេលកាលពីសប្តាហ៍មុន ដោយសារតែការផ្ទុះរបស់ជំងឺកូវីដ១៩ ទំនងជានឹងមានពិធីបើកនៅឆ្នាំ២០២១ នៅថ្ងៃទី២៣ ខែកក្កដា និងពិធីបិទនៅថ្ងៃទី៨ ខែសីហា។
នាយករដ្ឋមន្ត្រី លោក ស៊ីនហ្សូអាបេ (Shinzo Abe) បានប្រកាសពន្យាពេលប្រហែលមួយឆ្នាំកាលពីថ្ងៃអង្គារ បន្ទាប់ពីការអំពាវនាវជាមួយនាយក IOC លោក ថូម៉ាស បាចឆ៍ (Thomas Bach)។ នេះគឺជាការពន្យារពេលលើកដំបូងក្នុងប្រវត្តិសាស្ត្រ ១២៤ឆ្នាំនៃព្រឹត្តិការណ៍កីឡាអូឡាំពិកទំនើប ទោះបីជាមានព្រឹត្តិការណ៍កីឡាតូក្យូឆ្នាំ១៩៤០ ជាច្រើនត្រូវបានលុបចោលដោយសារសង្គ្រាមក៏ដោយ។
ការពន្យាពេលនេះ គឺជាការប៉ះទង្គិចយ៉ាងខ្លាំងដល់ប្រទេសជប៉ុន ដែលបានវិនិយោគទឹកប្រាក់ចំនួន ១២ពាន់លានដុល្លារ។ លោក Yasutoshi Nishimura រដ្ឋមន្ត្រីក្រសួងសេដ្ឋកិច្ច បាននិយាយកាលពីថ្ងៃអាទិត្យថា រដ្ឋាភិបាលដែលកំពុងចងក្រងវិធានការជំរុញសេដ្ឋកិច្ច នឹងជំរុញឱ្យមានការយកមកវិញរាប់ទ្រីលានយ៉េន (រាប់ពាន់លានដុល្លារ) នៅឆ្នាំក្រោយ៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ