ប្រទេសថៃ ៖ ការទិញដោយសារតែភាពភ័យខ្លាច គឺធ្វើឱ្យមានការឡើងថ្លៃ ដែលបានជម្រុញឱ្យក្រសួងពាណិជ្ជកម្មគំរាមចាត់វិធានការស្របច្បាប់ ប្រឆាំងនឹងការកេងចំណេញ។
លោក Manote Chuthapthim ប្រធានសមាគម Layer Chicken បានថ្លែងថា តម្រូវការពងមាន់ក្នុងរយៈពេល ១០ថ្ងៃកន្លងមកនេះ បានកើនឡើងដោយសារការភ័យខ្លាចនៃការរីករាលដាលនៃជំងឺកូវីដ១៩ និងការប្រកាសអំពីស្ថានភាពអាសន្នក្នុងប្រទេស។
ប្រជាជនបានមានការភ័យខ្លាច បន្ទាប់ពីមានការយល់ច្រឡំថា ពួកគេនឹងត្រូវហាមឃាត់មិនឱ្យចាកចេញពីផ្ទះ។ លោក Manote បាននិយាយថា តម្លៃភាគច្រើនបានកើនឡើងនៅក្នុងផ្នែកលក់រាយ ខណៈដែលស៊ុតនៅតែត្រូវបានលក់ក្នុងតម្លៃធម្មតា ២.៨០បាតក្នុងស៊ុត។ លើសពីនេះទៅទៀត កសិករមិនបានស្តុកទុកផលិតផលរបស់ពួកគេទេ។
យោងតាមប្រធានសមាគមបានឱ្យដឹងថា ទោះយ៉ាងណានៅពេលមនុស្សនាំគ្នាបុកទៅទិញនៅកន្លែងលក់រាយ គឺទើបធ្វើឱ្យអ្នកលក់រាយបានចិត្ត ហើយក៏ឡើងថ្លៃ។
ក្រសួងពាណិជ្ជកម្មបានឱ្យដឹងថា ទិន្នផលស៊ុតប្រចាំថ្ងៃនៅតែមានស្ថេរភាពត្រឹម ៤១លានគ្រាប់ ក្នុងមួយថ្ងៃ។ លោករដ្ឋមន្ត្រីបាននិយាយថា ម្ចាស់ហាងដែលលក់ស៊ុតថ្លៃកប់ពពក អាចនឹងត្រូវជាប់ពន្ធនាគាររហូតដល់ ៧ឆ្នាំ ឬពិន័យជាប្រាក់ ១៤០,០០០បាត៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ