រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា រហូតមកដល់ពេលនេះកម្ពុជាមិនទាន់មានអ្នកស្លាប់ ដោយសារជំងឺកូវីដ១៩ នោះទេ…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា រហូតមកដល់ពេលនេះកម្ពុជាមិនទាន់មានអ្នកស្លាប់ ដោយសារជំងឺកូវីដ១៩ នោះទេ ទោះបីមានមនុស្សមួយចំនួនបានឆ្លងជំងឺនេះក្តី ។ ប៉ុន្តែអ្វីដែលព្រួយបារម្ភនោះ គឺគ្រោះថ្នាក់ចរាចរាណ៍ផ្លូវគោកជាកត្តាដែលព្រួយបារម្ភ ព្រោះថា អត្រាអ្នកស្លាប់មានជារៀងរាល់ថ្ងៃ ។
មានប្រសាសន៍ក្នុងកិច្ចប្រជុំផ្សព្វផ្សាយ អនុក្រឹត្យលេខ ៣៩ អនក្រ.បក ចុះថ្ងៃទី១៧ ខែមីនានេះ ស្ដីពីការកែសម្រួលអនុក្រឹត្យលេខ ៤៤ អនក្រ.បក ចុះថ្ងៃទី២១ ខែមីនា ឆ្នាំ២០១៧ ស្ដីពីការពិន័យអន្តការណ៍ ចំពោះអំពើល្មើស និងច្បាប់ស្ដីពីចរាចរណ៍ផ្លូវគោក នាព្រឹកថ្ងៃទី២៧ ខែមីនា នៅទីស្តីការក្រសួងសម្តេច ស ខេង បានលើកឡើងថា ទោះបីជាមានប្រជាជនកម្ពុជាមួយចំនួនបានឆ្លងជំងឺកូវីដ១៩មួយចំនួនក្តី ប៉ុន្តែរហូតដល់ពេលនេះមិនទាន់មានអ្នកណាខម្នាក់ស្លាប់នោះទេ ។ ផ្ទុយគ្រោះថ្នាក់ចរាចរណ៍វិញបានសម្លាប់មនុស្ស និងបង្ករបួសស្ទើររាល់ថ្ងៃ ហើយមួយឆ្នាំកើនជារៀងរាល់ឆ្នាំ ។
សម្តេចក៏បានលើកឡើងថា បញ្ហាគ្រោះថ្នាក់ចរាចរណ៍នៅតែជាបញ្ហាស្មុគស្មាញដែលគួរឲ្យព្រួយបារម្ភ ព្រោះធ្វើឲ្យប្រជាជនស្លាប់ និងរបួសមានចំនួនកើនឡើងក្នុងមួយឆ្នាំៗ។ សម្តេចបន្តថា ចាប់ពីឆ្នាំ២០២០នេះ ទៅដោយមានការស្រាវជ្រាវពីឥរិយាបថនូវទង្វើដែលធ្វើឲ្យគ្រោះថ្នាក់ចរាចរណ៍កើតមានឡើង រាជរដ្ឋាភិបាលបានធ្វើវិសោធនកម្មច្បាប់ចរាចរណ៍ផ្លូវគោកដោយនឹងផាកពិន័យកើនពី៣ ទៅ៥ដងនៃច្បាប់ចាស់ ។ សម្តេចស្នើនគរបាលចរាចរណ៍ត្រូវចាប់អ្នកបង្កឲ្យគ្រោះថ្នាក់ចរាចរណ៍ហើយរត់គេចមកអនុវត្តទោសឲ្យបានដោយកុំឲ្យរួចខ្លួនឲ្យសោះ៕
ចែករំលែកព័តមាននេះ