COVID-19 ៖ ​ព្រឹ​ទ្ធ​សភា​អា​មេ​រិ​ក​បញ្ចេញ​​ប្រាក់​មហាសាល


សហរដ្ឋអាមេរិក ៖ ចំនួន​អ្នក​ឆ្លង​វីរុស​COVID-19​នៅ​អា​មេ​រិ​ក តាម​ការ​ប្រកាស​របស់​ទីភ្នាក់ងារ​សុខា​ភិបាល​អា​មេ​រិ​កថា មក​ដល់​ថ្ងៃ​ទី​២៥​ ខែ​មីនា​ ឆ្នាំ​២០២០ វេលា​ម៉ោង​១៥​និង​៣០​នាទី​ម៉ោង​ក្នុងស្រុកបាន ​កើន​ដល់​លើស​ពី​៦០.០០០​នាក់​។

តាម​មជ្ឈមណ្ឌល​វិទ្យាសាស្ត្រ​និង​វិស្វកម្ម​នៃ​ប្រព័ន្ធ​CSSE​អា​មេ​រិ​កថា ចំនួន​អ្នក​ឆ្លង​វីរុស​នៅ​អា​មេ​រិ​ក មាន​ដល់​៦២.០៦៨​នាក់​ជាមួយ​អ្នក​​បាត់​បង់​ជីវិត​​ឡើង​ដល់​ជាង​១.០០០​នាក់​។ រដ្ឋ​ញូ​វ​យ៉​ក​ដែល​ក្លាយជា​ចំណុចកណ្ដាល​នៃ​ការ​ឆ្លង​រាលដាល​វីរុស​ក្នុង​ប្រទេស មាន​អ្នក​ឆ្លង​៣០.៨១១​នាក់​។ រដ្ឋ​ញូ​វ​ចឺ​ស៊ី​មាន​អ្នក​ឆ្លង​៤.៤០២​នាក់ និង​រដ្ឋ​កាលី​ហ្វ័​រ​នី​ញ៉ា​មាន​អ្នក​ឆ្លង​២.៦៦០​នាក់​។

ប្រឈម​មុខ​នឹង​ការ​គំរាមកំហែង​នៃ​វីរុស​នោះ ព្រឹទ្ធសភា​អា​មេ​រិ​កបាន​អនុម័ត​ជា​ឯកច្ឆ័ន្ទ​កាលពី​ថ្ងៃ​ទី​២៥​មីនា ផែនការ​ជា​ប្រវត្តិសាស្ត្រ​មួយ ដោយ​បញ្ចេញ​ប្រាក់​មហាសាល​ដល់​ទៅ​២០០០​ពាន់​លាន​ដុល្លារ សម្រាប់​ទ្រទ្រង់​ដល់​សេដ្ឋកិច្ច ដែល​ស្ទះ​ដោយសារ​ការ​ឆ្លង​រាលដាល​នៃ​វីរុស​នោះ ដែល​បណ្ដាល​ឲ្យ​មនុស្ស​បាត់​បង់​ជីវិត​​​ជាង​១.០០០​នាក់​ហើយ​នៅ​សហរដ្ឋអាមេរិក​។

ព្រឹទ្ធសភា​បាន​អនុម័ត​គម្រោង​ច្បាប់​នោះ​ដោយ​៩៦​សំឡេង​គ្មាន​សំឡេង​ប្រឆាំង​។ ផែនការ​នេះ​នៅ​ត្រូវ​អនុម័ត​ដោយ​សភា​ដែល​ត្រួតត្រា​ដោយ​ពួក​អ្នក​ប្រជាធិបតេយ្យ មុន​ពេល​ត្រូវ​ប្រ​ធា​ធិ​បតី​ចុះហត្ថលេខា​ផ្ដល់​សុពលភាព​។

បារាំង​ការ​ឆ្លង​នៅ​តែ​លឿន
ការ​ឆ្លង​រាលដាល​នៃ​វីរុស​COVID-19​នៅ​បារាំង​នៅ​តែ​លឿន ជាមួយ​អ្នក​ស្លាប់​ឡើង​ដល់​១.៣៣១​​នាក់​នៅ​មន្ទីរពេទ្យ​។ អគ្គនាយក​សុខាភិបាល​បារាំង​អះអាង​នា​ថ្ងៃ​ទី​២៥​មីនា​ថា ចំនួន​អ្នក​​បាត់​បង់​ជីវិត​​​នៅ​មន្ទីរពេទ្យ​បាន​ឡើង​ដល់​១.៣៣១​នាក់ គឹ​២៣១​នាក់​ថែម​ទៀត រយៈពេល​២៤​ម៉ោង​ចុង​ក្រោយ​នេះ​។ នៅ​បារាំង​អ្នក​ឆ្លង​វីរុស​បាន​ឡើង​ដល់​២៥.២៣៣​នាក់ ៕ ដកស្រង់​ចេញពី​វេ​ប​សាយ ៖ yahoo (​កែសម្រួល​ដោយ ៖ បុប្ផា​)

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ