ផលិតផលមួយអាចកម្ចាត់វីរុសតែ១៥នាទី ប្រើនៅក្រុងកាន
ប្រទេសបារាំង ៖ សាលាក្រុងកានបារាំងអះអាងថា ចាប់ពីថ្ងៃទី២៥ ខែមីនា ឆ្នាំ ២០២០ ទៅវិថីនានានៃទីក្រុងកាន បានប្រើផលិតផលសម្លាប់មេរោគមួយ ដោយអះអាងថា…
ប្រទេសបារាំង ៖ សាលាក្រុងកានបារាំងអះអាងថា ចាប់ពីថ្ងៃទី២៥ ខែមីនា ឆ្នាំ ២០២០ ទៅវិថីនានានៃទីក្រុងកាន បានប្រើផលិតផលសម្លាប់មេរោគមួយ ដោយអះអាងថា វាអាចកម្ចាត់វីរុសបានត្រឹមតែ១៥នាទី។ តំបន់ឯទៀតៗរបស់បារាំងក៏ត្រៀមធ្វើតាមដែរ។
សាលាក្រុងនោះ បើតាម FACEBOOK សរសេរថា ចាប់ពីថ្ងៃទី២៥ ខែមីនា ទៅ វិថីនានានៃទីក្រុងកាន នឹងបាញ់ទឹកលាយអូដឺហ្សាវែល ដើម្បីសម្លាប់វីរុស។
តាមទូរទស្សន៍ FRANCE 2 លោក THIERRY GAUDINEAU នាយកផ្នែកសម្អាតទីក្រុងកានថ្លែងថា ទឹកអូដឺហ្សាវែល ជាទឹកសម្លាប់វីរុស និងបាក់តេរី ដែលអាចកម្ចាត់វីរុស COVID-19 ធ្វើឲ្យយើងភ័យខ្លាចចាប់តាំងពីច្រើនសប្ដាហ៍មកហើយ។ ដំបូងយើងអនុវត្តនៅតាមទីតាំងរសើបនានាដូចជា មន្ទីរពេទ្យ គ្លីនិក មជ្ឈមណ្ឌលសុខាភិបាល មន្ទីរពិសោធន៍ បន្ទាប់មកយើងនឹងធ្វើនៅទូទាំងក្រុង។
សាលាក្រុងកានអះអាងទៀតថា ផលិតផលនោះជាផលិតផលដូចគ្នា ដែលប្រើនៅកូរ៉េខាងត្បូងឬនៅចិនដែលអាចកម្ចាត់វីរុសក្នុងរយៈពេលតែ១៥នាទី។ ម្យ៉ាងវិញទៀតផលិតនោះវាមិនពុលនិងគ្មានគ្រោះថ្នាក់សម្រាប់បណ្ដាសត្វចិញ្ចឹមទៀតផង៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ