ព្រះរាជបុត្រច្បង ស្តេចចក្រភពអង់គ្លេស ឆ្លង COVID-19
ទីក្រុងឡុងដ៍ ៖ អ្នកនាំពាក្យ បាននិយាយកាលពីថ្ងៃពុធ ទី២៥ មីនានេះថា ព្រះអង្គម្ចាស់ឆាល Charles Philip Arthur…
ទីក្រុងឡុងដ៍ ៖ អ្នកនាំពាក្យ បាននិយាយកាលពីថ្ងៃពុធ ទី២៥ មីនានេះថា ព្រះអង្គម្ចាស់ឆាល Charles Philip Arthur…
ទីក្រុងឡុងដ៍ ៖ អ្នកនាំពាក្យ បាននិយាយកាលពីថ្ងៃពុធ ទី២៥ មីនានេះថា ព្រះអង្គម្ចាស់ឆាល Charles Philip Arthur George ដែលជាកូនប្រុសច្បង និងជាអ្នកស្នងមរតករាជបល្ល័ង្ក បន្តពីមហាក្សត្រី អេលីហ្សាបែតទី២ ព្រះអង្គបានធ្វើតេស្តឃើញ វិជ្ជមាន ចំពោះ COVID-19 ។
នៅក្នុងសេចក្តីថ្លែងការណ៍មួយ បានអោយថា “ព្រះអង្គម្ចាស់ នៃប្រទេសវែល បានធ្វើតេស្តរកឃើញវីរុសឆ្លងនេះ” ។ ព្រះអង្គបានបង្ហាញរោគសញ្ញាស្រាល និងនៅតែមានសុខភាពល្អជាធម្មតាទេ ។
អ្នកនាំពាក្យ បាននិយាយបន្តថា “ Camilla ភរិយារបស់ព្រះអង្គម្ចាស់ឆាល ក៏ត្រូវបានគេធ្វើតេស្តដែរ ប៉ុន្តែមិនមានវីរុសទេ ។ ព្រះអង្គម្ចាស់និងភរិយា ខាមីឡា កំពុងដាក់នៅដាច់ដោយឡែក នៅឯប្រទេសស្កុតឡេន ” ។
សេចក្ដីថ្លែងការណ៍ បានបន្ថែមថា “យើងមិនអាចដឹងច្បាស់ថា តើព្រះអង្គម្ចាស់ បានឆ្លងមេរោគនេះ មកពីប្រភពណាទេ ដោយសារព្រះអង្គម្ចាស់ឆាល បានជួបមនុស្សជាច្រើនតាមទីសាធារណៈ ក្នុងប៉ុន្មានសប្តាហ៍ថ្មីៗ” ។
ព្រះមហាក្សត្រី អេលីហ្សាបែតទី២ អាយុ៩៣ឆ្នាំ និងស្វាមី គឺព្រះអង្គម្ចាស់ហ្វីលីព អាយុ៩៨ឆ្នាំ បានដាក់រាជ្យ នៅឯរាជវាំង Windsor Castle នៅជាយទីក្រុងឡុងដ៍ នៅថ្ងៃទី១៩ ខែមីនា ។
បច្ចុប្បន្ននេះ ប្រទេសអង់គ្លេសមានអ្នកឆ្លងជំងឺកូវីដ-១៩ សរុបចំនួនជាង ៨.០០០ នាក់ហើយ មនុស្សចំនួន ៤២២ នាក់បានស្លាប់ ។
សូមជម្រាបថា ថ្មីៗនេះ ព្រះអង្គម្ចាស់ឆាល (Prince Charles) បានចូលរួមក្នុងព្រឹត្តិការណ៍ Prince’s Trust Awards នៅឯទីក្រុង ឡុងដ៍ កាលពីថ្ងៃពុធ បានចាប់យកកាយវិការ សំពះ នេះជំនួសការចាប់ដៃ ។
រជ្ជទាយាទនៃចក្រភពអង់គ្លេស និងជាព្រះអង្គម្ចាស់វេលស៍ (Prince of Wales) បានលើកព្រះហស្ត សំពះ ភ្លាមៗ បន្ទាប់ពីព្រះអង្គបានភ្លេចខ្លួន យកព្រះហស្ត ទៅចាប់ជាមួយអ្នកដែលបានស្វាគមន៍ វត្តមានរបស់ព្រះអង្គ ។
វីដេអូ ព្រះអង្គម្ចាស់ឆាល មានដូចខាងក្រោម ៖
ចែករំលែកព័តមាននេះ