សហព័ន្ធបាល់ទាត់អេស្ប៉ាញ (RFEF) បានសម្រេចរាល់ការប្រកួតបាល់ទាត់ទាំងអស់នៅក្នុងប្រទេសនេះ ជាពិសេសក្របខ័ណ្ឌ La Liga ត្រូវផ្អាករហូតដល់មានការជូនដំណឹងពីរដ្ឋាភិបាល ខណៈពេលដែលប្រទេសនេះកំពុងតែវឹកវរ ដោយសារតែការរីករាលដាលខ្លាំងនៃវីរុស Covid-19…
សហព័ន្ធបាល់ទាត់អេស្ប៉ាញ (RFEF) បានសម្រេចរាល់ការប្រកួតបាល់ទាត់ទាំងអស់នៅក្នុងប្រទេសនេះ ជាពិសេសក្របខ័ណ្ឌ La Liga ត្រូវផ្អាករហូតដល់មានការជូនដំណឹងពីរដ្ឋាភិបាល ខណៈពេលដែលប្រទេសនេះកំពុងតែវឹកវរ ដោយសារតែការរីករាលដាលខ្លាំងនៃវីរុស Covid-19 ។
សូមរំលឹកថា ការប្រកួតក្របខ័ណ្ឌកំពូលរបស់ប្រទេសអេស្ប៉ាញ ត្រូវបានផ្អាក ការប្រកួតចំនួន២សប្តាហ៍រួចមកហើយកាលពីដើមខែមីនា ហើយសម្រេចបន្តផ្អាករហូតដល់ថ្ងៃទី១១ ខែមេសា ស្របពេលដែលប្រទេសនេះកំពុងស្ថិតក្នុងភាពអាសន្ន ប៉ុន្តែពេលនេះការសម្រេចចិត្តចុងក្រោយគឺផ្អាកដោយគ្មានពេលកំណត់។
សូមបញ្ជាក់ជូនថា គិតមកទល់ព្រឹកថ្ងៃទី២៤ ខែមីនា ឆ្នាំ២០២០ នេះចំនួនអ្នកឆ្លងវីរុស Covid-19 ក្នុងប្រទេសអេស្ប៉ាញបានកើនឡើងជាង ៣៥,០០០ករណី ខណៈដែលអ្នកបាត់បង់ជីវិតកើនដល់ ២,៣១១នាក់ ៕ (កែសម្រួលដោយ ៖ ធីតា)
ចែករំលែកព័តមាននេះ