រាជធានីភ្នំពេញ ៖ នារីម្នាក់ដើរតាមផ្លូវប្រទះនឹងបុរសម្នាក់ពាក់អាវភ្លៀង ដេកនៅចិញ្ចើមផ្លូវក្រោមដំណក់ទឹកភ្លៀងបង្កការភ្ញាក់ផ្អើលទាំងកណ្តាលអាធ្រាត្រ ។ ហេតុការណ៍នេះកើតឡើងកាលពីវេលាម៉ោង ១និង៥០នាទី អាធ្រាត្រ ថ្ងៃទី ១៧ កញ្ញា ២០១៤ នៅចំណុចទល់មុខហាងការហ្វេ ថៃសាន ផ្ទះលេខ៣៦៥ ផ្លូវ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា ខណៈពេលមេឃកំពុងតែធ្លាក់ភ្លៀងគឺនារីម្នាក់បានដើរតាមផ្លូវលេខ២៧១ ពេលកំពុងតែដើរជើងរបស់នាងបានទៅទាត់ចំបុរសម្នាក់ ពាក់ អាវភ្លៀងកំពុងដេកលង់លក់នៅចិញ្ចើមផ្លូវ មុខហាងការហ្វេ ថៃ សាន ធ្វើឱ្យនារីនោះស្រែកភ័យប្រលឹងចុងសក់ ព្រោះស្មាថាមនុស្សដេកស្លាប់នៅលើផ្លូវ ហើយក៏បង្កឱ្យមានការភ្ញាក់ផ្អើលដល់អ្នកលក់ មីឆារ-បាយឆាររត់មកមើលទើបធ្វើឱ្យបុរសនោះភ្ញាក់ពីដេក ហើយដើរចេញទៅមុខបន្តទៀតទៅ ។
ប្រជាពលរដ្ឋដែលស្ថិតនៅក្នុងហេតុការណ៍បានធ្វើការសន្និដ្ឋានថា ប្រហែលជាបុរសខាងលើស្រវឹងស្រាខ្លាំងហើយបានជាមកដេកនៅតាមចិញ្ចើមថ្នល់ដូច្នេះ ។
ចែករំលែកព័តមាននេះ