សហព័ន្ធបាល់ទាត់ទ្វីបអឺរ៉ុបហៅកាត់ UEFA បានសម្រេចពន្យាពេលព្រឹត្តិការណ៍ Euro 2020 រយៈពេលមួយឆ្នាំរហូតដល់ឆ្នាំ២០២១ ដោយសារតែការរីករាដាលខ្លាំងនៃវីរុស Covid-19 ។ គណៈគ្រប់គ្រងបាល់ទាត់អ៊ឺរ៉ុប…
សហព័ន្ធបាល់ទាត់ទ្វីបអឺរ៉ុបហៅកាត់ UEFA បានសម្រេចពន្យាពេលព្រឹត្តិការណ៍ Euro 2020 រយៈពេលមួយឆ្នាំរហូតដល់ឆ្នាំ២០២១ ដោយសារតែការរីករាដាលខ្លាំងនៃវីរុស Covid-19 ។
គណៈគ្រប់គ្រងបាល់ទាត់អ៊ឺរ៉ុប បានធ្វើការសម្រេចចិត្តក្នុងសន្និសីទវីដេអូបន្ទាន់មួយ (Video Conference) ដែលមានការចូលរួមពីអ្នកពាក់ព័ន្ធសំខាន់ៗកាលពីថ្ងៃអង្គារ។
ការប្រកួតដែលនឹងប្រព្រឹត្តទៅចាប់ពីថ្ងៃទី១២ ខែមិថុនាដល់ថ្ងៃទី១២ ខែកក្កដានៅរដូវក្តៅនេះ នឹងត្រូវលើកទៅចាប់ផ្តើមពីថ្ងៃទី១១ ខែមិថុនាដល់ថ្ងៃទី ១១ ខែកក្កដាឆ្នាំក្រោយ។
ការពន្យាពេលនេះ គឺដើម្បីផ្តល់នូវឱកាសសម្រាប់ការប្រកួតបាល់ទាត់លីគអ៊ឺរ៉ុប ដែលត្រូវបានពន្យាររហូតមកដល់ពេលនេះ ឱ្យបានបញ្ចប់ទាំងអស់។
ក្នុងការសម្រេចពន្យារពេលព្រឹត្តិការណ៍ Euro 2020 សហព័ន្ធ UEFA បាននិយាយថា ខ្លួនចង់ចៀសវាងការដាក់សម្ពាធដែលមិនចាំបាច់ លើសេវាកម្មសាធារណៈជាតិរបស់ប្រទេសជាម្ចាស់ផ្ទះទាំង១២ ក៏ដូចជាជួយឱ្យការប្រកួតប្រជែងក្នុងស្រុកត្រូវបានបញ្ចប់ ៕ (ដកស្រង់ចេញពី BBC)
ចែករំលែកព័តមាននេះ