កម្ពុជា​រក​ឃើញ​កូ​វី​ដ ១៩ មួយ​ករណី​ទៀត​លើ​ជនជាតិ​បារាំង​វ័យ៣៥​ឆ្នាំ


រាជធានី​ភ្នំពេញ ៖ មុន​នេះ​បន្តិច ក្រសួងសុខាភិបាល​កម្ពុជា​ បាន​ប្រកាស​អំពី​ករណី​វិជ្ជមាន​កូ​វី​ដ ១៩ លើ​បុរស​ជនជាតិ​បារាំង​វ័យ ៣៥ ឆ្នាំ​ម្នាក់​ទៀត​ ដែល​ចូល​មក​កាន់​ប្រទេស​កម្ពុជា​ហើយ​ឆ្លង​កាត់​ប្រទេស​សិង្ហ​បូ​រី នាំ​ឲ្យ​ករណី​វិជ្ជមាន​កូ​វី​ដ ១៩ នៅ​កម្ពុជា​ កើន​ដល់ ៨ ករណី​ហើយ ។

បើ​គិត​ត្រឹម​រសៀល​ថ្ងៃ​ទី​១៥ ខែ​មីនា ឆ្នាំ​២០២០​នេះ ក​ម្ពុ​ជា​យើង​រក​ឃើញ​ករណី​ជំងឺ COVID-19 សរុប​ចំនួន​៨​ករណី ដែល​ក្នុង​នោះ ៧​ករណី​លើ​ជនបរទេស និង ១​ករណី ជនជាតិ​ខ្មែរ ។
សម្រាប់ ៨ ករណី​ គឺ ៖

​- ១​ករណី ជនជាតិ​ចិន ភេទ​ប្រុស អាយុ​៦០​ឆ្នាំ ជា​សះស្បើយ
​- ១​ករណី ជនជាតិ​ខ្មែរ ភេទ​ប្រុស អាយុ​៣៨​ឆ្នាំ សុខភាព​ល្អ នៅ​សៀមរាប
​- ៣ ករណី ជនជាតិ​អង់គ្លេស (​ក្នុង​ស្រី​២​ករណី ប្រុស​១​ករណី​) ពួក​គាត់​គ្មាន​រោគ​សញ្ញា គួរ​ឱ្យ​កត់​សំគាល់​ទេ និង​មាន​សុខភាព​ល្អ​កំពុង​ព្យាបាល​ក្នុង​មន្ទីរពេទ្យ​ភ្នំពេញ

​- ១​ករណី ជនជាតិ​កា​ណា​ដា នៅ​ភ្នំពេញ
– ១​ករណី ជនជាតិ បែ​លហ​ស្សិ​ក នៅ​ភ្នំពេញ
​- ១ ករណី ជនជាតិ​បារាំង នៅ​ភ្នំពេញ ។

ក្នុង​ចំណោម ៨ ករណី​នេះ ៧​ករណី​គាត់​ចំលង​ពី​ប្រទេស​ក្រៅ និង​១​ករណី​ប៉ះពាល់​ផ្ទាល់​ជាមួយ​ជន​ជាតិ​ជប៉ុន​។ យ៉ាងណាមិញ ប្រទេស​កម្ពុជា ​យើង​មិន​ទាន់​រក​ឃើញ​ភស្តុ​តាង​បញ្ជាក់​ថា​ មាន​ការ​ឆ្លង​នៅ​ក្នុង​សហគមន៍​នៅឡើយ​ទេ ៕ (កែ​សម្រួល​ដោយ ៖ បុប្ផា)

ព័ត៌មាន​ជាតិ

Sponsored News

ការស្ទង់មតិគេហទំព័រថ្មី




សូម​អរគុណ