អ្នកនាំពាក្យរដ្ឋាភិបាលជប៉ុន លោក Yoshihide Suga បាននិយាយនៅថ្ងៃព្រហស្បតិ៍នេះថា មិនមានការផ្លាស់ប្តូរផែនការណាមួយសម្រាប់ព្រឹតិ្តការណ៍អូឡាំពិកទីក្រុងតូក្យូ ២០២០ ដែលគ្រោងនឹងចាប់ផ្តើមនៅខែកក្កដានោះទេ ហើយក៏មិនចាំបាច់ប្រកាសពីស្ថានភាពអាសន្ននៅក្នុងប្រទេសជប៉ុន ដោយសារតែការផ្ទុះឡើងនៃវីរុស…
អ្នកនាំពាក្យរដ្ឋាភិបាលជប៉ុន លោក Yoshihide Suga បាននិយាយនៅថ្ងៃព្រហស្បតិ៍នេះថា មិនមានការផ្លាស់ប្តូរផែនការណាមួយសម្រាប់ព្រឹតិ្តការណ៍អូឡាំពិកទីក្រុងតូក្យូ ២០២០ ដែលគ្រោងនឹងចាប់ផ្តើមនៅខែកក្កដានោះទេ ហើយក៏មិនចាំបាច់ប្រកាសពីស្ថានភាពអាសន្ននៅក្នុងប្រទេសជប៉ុន ដោយសារតែការផ្ទុះឡើងនៃវីរុស Covid-19 នោះដែរ។
លោក Yoshihide Suga បានថ្លែងក្នុងសន្និសីទសារព័ត៌មានមួយថា ក្រុមអ្នកជំនាញបាននិយាយកាលពីដើមសប្តាហ៍នេះថា គ្មានការផ្ទុះរាលដាលនៃវីរុស Covid-19 ខ្លាំងនៅក្នុងប្រទេសជប៉ុនទេ ដូច្នេះមិនចាំបាច់ដាក់ប្រទេសមួយនេះឱ្យស្ថិតក្នុងស្ថានភាពប្រកាសអាសន្ននោះឡើយ ប៉ុន្តែជប៉ុនក៏កំពុងតែរក្សាការប្រុងប្រយ័ត្នខ្ពស់របស់ខ្លួន កំឡុងពេលដែលវីរុសនេះកំពុងបន្តរីករាលដាល។
សូមបញ្ជាក់ជូនថា ព្រឹត្តិការណ៍អូឡាំពិកទីក្រុងតូក្យូ ២០២០ នឹងធ្វើការពិធីបើកជាផ្លូវការនៅថ្ងៃទី២៤ ខែកក្កដា ស្របពេលដែលពិធីបិទនឹងធ្វើឡើងនាថ្ងៃទី៩ ខែសីហា ឆ្នាំ២០២០ ខាងមុខ ៕ (ដកស្រង់ចេញពី៖ Reuters)
ចែករំលែកព័តមាននេះ