បុរស​ទទួលមរណភាព​ហើយ ក្រោយ​ពី​ជា​សះស្បើយ​ពី​ Covid19 បាន​៥​ថ្ងៃ


អ៊ូ​ហាន ៖ តាម​ប្រភព​ព័ត៌មាន Shanghaiist បានឱ្យ​ដឹង​ថា លោក Li Liang អាយុ​៣៦​ឆ្នាំ បាន​ទទួលមរណភាព​ដោយសារ​វីរុស Covid-19 កាលពី​ថ្ងៃ​ច័ន្ទ ។ ៥​ថ្ងៃ​បន្ទាប់​ពី​រូប​គាត់​ត្រូវ​បានឱ្យ​ចេញពី​មន្ទីរពេទ្យ​បណ្តោះអាសន្ន​មួយ​ក្នុង​ទីក្រុង Wuhan ក្រោយ​ពី​ជា​សះស្បើយ​ពី​ជំងឺ​នេះ​។

លោក Li ត្រូវ​បាន​គេ​បញ្ជូន​ទៅ​មន្ទីរពេទ្យ Hanyang Fangcang កាលពីដើម​ខែកុម្ភៈ​។ គាត់​បាន​ចំណាយពេល​ពី​រស​ប្តា​ហ៍​នៅ​ទីនោះ មុន​ពេល​ត្រូវ​បាន​ឱ្យមក​ផ្ទះ​នៅ​ថ្ងៃ​ទី​២៦ ខែកុម្ភៈ បន្ទាប់​ពី​សីតុណ្ហភាព​របស់​គាត់​មាន​សភាព​ធម្មតា​រយៈពេល​៣​ថ្ងៃ ហើយ​ការ​ធ្វើតេស្ត​រក​វីរុស​មាន​លទ្ធផល​អវិជ្ជមាន ចំនួន​ដល់​ទៅ​២​ដង​។

គាត់​មាន​លក្ខណៈ​គ្រប់គ្រាន់​ក្នុង​ការ​ចាត់ទុកជា​ការ​ជា​សះស្បើយ​ពី​ជំងឺ Covid19 បើ​ទោះបីជា​៣​ថ្ងៃមុន​ពេល​ចាក​ចេញពី​ពេទ្យ គាត់​មាន​អាកា​រៈរ​លាក​សួត​ក៏​ដោយ​។

បន្ទាប់​ពី​ត្រូវ​បានឱ្យ​ចេញពី​ពេទ្យ គាត់​ត្រូវ​បាន​គេ​ប្រាប់​ឱ្យមក​នៅ​ក្នុង​សណ្ឋាគារ​មួយ​ដែល​ជា កន្លែង​ដាក់​អ្នកជំងឺ Covid19 មួយ​ឡែក រយៈពេល​១៤​ថ្ងៃ​សិន​។ ស្រាប់តែ​នៅ​ថ្ងៃ​ទី​២ ខែមីនា​នេះ គាត់​ធ្លាក់ខ្លួន​ឈឺ ហើយ​ក៏​ប្រកាស​ថា បាន​បាត់បង់​ជីវិត​នៅ​ពេល​ទៅ​ដល់​មន្ទីរពេទ្យ​។

ករណី​នេះ បាន​ធ្វើ​ឱ្យ​មានការ​ព្រួយបារម្ភ​ថា មន្ទីរពេទ្យ​នានា​ក្នុង​ប្រទេស​ចិន​ប្រហែលជា​ប្រញាប់​ឱ្យ​អ្នកជំងឺ​ចេញពី​ពេទ្យ​ពេក ហើយ​ពឹងផ្អែក​លើ​លទ្ធផល​តេស្ត​ជ្រុល​។ គេ​ក៏​ឃើញ​មាន​ករណី​ដែល​អ្នកជំងឺ Covid19 ដែល​ជា​សះស្បើយ កើត​មាន​ជំងឺ​នេះ​ម្តងទៀត​ផង​ដែរ​៕ ដកស្រង់​ចេញពី​វេ​ប​សាយ ៖ shanghai (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ