ទីក្រុងគូឡាឡាំពួរ៖ ទីភ្នាក់ងារស្ទង់ភូមិសាស្ត្រសហរដ្ឋអាម៉េរិក (USGS) បានឱ្យដឹងថា គ្រោះរញ្ជួយដីកម្រិត ៧,១ រ៉ិចទ័រ បានវាយប្រហារផ្នែកខ្លះនៃប្រទេសម៉ាឡេស៊ី។ នេះបើយោងតាមការផ្សាយរបស់សារព័ត៌មាន ABC…
ទីក្រុងគូឡាឡាំពួរ៖ ទីភ្នាក់ងារស្ទង់ភូមិសាស្ត្រសហរដ្ឋអាម៉េរិក (USGS) បានឱ្យដឹងថា គ្រោះរញ្ជួយដីកម្រិត ៧,១ រ៉ិចទ័រ បានវាយប្រហារផ្នែកខ្លះនៃប្រទេសម៉ាឡេស៊ី។ នេះបើយោងតាមការផ្សាយរបស់សារព័ត៌មាន ABC News និង Xinhua ចុះផ្សាយនៅថ្ងៃទី២៣ ខែកុម្ភៈនេះ។
បើតាម USGS កាលពីថ្ងៃអាទិត្យ គ្រោះរញ្ជួយដីនេះបានកើតឡើងនៅមុនម៉ោង ៥ ល្ងាច ឬត្រូវនឹងពេលព្រឹកព្រលឹមម៉ោងក្នុងស្រុក។ រញ្ជួយដីនេះមានជម្រៅដល់ទៅ ៦២០ គីឡូម៉ែត្រពីផ្ទៃដី ហើយចំណុចកណ្ដាលនៃរញ្ជួយដី ស្ថិតនៅចម្ងាយ ៥៥ គីឡូម៉ែត្រ ភាគខាងជើងឈៀងខាងលិច នៃប្រទេសម៉ាឡេស៊ី។
មិនមានការប្រកាសអាសន្នរលកយក្សស៊ូណាមិឡើយ ហើយក៏មិនទាន់មានរបាយការណ៍ភ្លាមៗអំពីការខូចខាតណាមួយនោះដែរ៕
ចែករំលែកព័តមាននេះ