រាជធានីភ្នំពេញ ៖ សៀវ ង៉ុយ មកពី សមាគមកីឡាប្រដាល់ក្រសួងការពារជាតិ និងអេ ណារ័ត្ន មកពីក្លិបអេភូថងកីឡា រំពឹងមិនភ្លាត់ឱកាសក្លាយជាម្ចាស់ប្រាក់លានក្រុមហ៊ុនខារ៉ាបាវ នោះទេក្នុងជំនួបប្រកួតជាមួយកីឡាករថៃនៅលើសង្វៀនស៊ីអិនស៊ី នាថ្ងៃសៅរ៍ទី៧ មីនា។
កីឡាករ អេ ណារ័ត្ន ដែលត្រូវជួបប្រកួតជាមួយកីឡាករថៃ ឃុំផាយ៉ាក់ មួយរយៈនេះហាក់ដូចជាឃ្លាតឆ្ងាយពីសង្វៀន ជាពិសេស សង្វៀនស៊ីអិនស៊ីតែម្ដង ។ ដូច្នេះជាមួយនឹងការបង្ហាញខ្លួនរបស់សិស្សគណលោកអេភូថងលើកនេះ បានធ្វើឱ្យមហាជនមួយចំនួនធំមានការចាប់អារម្មណ៍យ៉ាងខ្លាំងដោយសារតែពួកគេចង់ដឹងថា កីឡាករកម្ពុជារូបនេះអាចក្លាយជាម្ចាស់ប្រាក់លានបានឬអត់0x017d7 ខណៈកីឡាករថៃត្រូវគេដឹងថាជាជើងខ្លាំងលំដាប់ជួរមុខមួយរូប។
ចំណែកកីឡាករ សៀវ ង៉ុយ ដែលត្រូវប៉ះជាមួយកីឡាករថៃ សុគន្ធផេក លើកនេះក៏បង្ហាញជំនឿចិត្តខ្ពស់ក្នុងការដណ្ដើមប្រាក់លានផង ដែរបើទោះជាមួយរយៈចុងក្រោយនេះមិនឃើញឡើងសង្វៀនប្រកួតញឹកញាប់ក្ដី ។ កាលពីប៉ុន្មានឆ្នាំមុន អ្នកណាមិនល្បីថា សៀវ ង៉ុយ ខ្លាំង ទើបធ្វើឱ្យគេមានជំនឿចិត្តខ្ពស់បើទោះជាគេមិនទាន់ស្គាល់ពីប្រវតិ្តប្រកួតរបស់កីឡាករថៃម្នាក់នេះច្បាស់លាស់ក៏ដោយ។
ចំណែកគូប្រកួតមិត្តភាពវិញ កីឡាករ លាភ សំណាង មកពីក្លិបកងពលតូចលេខ៧០ ប្រកួតជាមួយកីឡាករ ងួន គា មកពីក្លិបតាឡីដំរីមានរិទ្ធ។ កីឡាករ អេលីតបេង ថេប មកពីក្លិបប៉ែនកាក់គុនខ្មែរ ប្រកួតជាមួយកីឡាករ ថន ថេនមកពីក្លិបកងពលតូចទ័ពឆត្រយោង៩១១ ខណៈគូប្រកួតបើកឆាកកីឡាករ ផៃ ឡូត មកពីក្លិបគោព្រៃគុនខ្មែរ ប្រកួតជាមួយកីឡាករ អូយ ឌៀប មកពីក្លិបពន្លឺវិបុលដារិទ្ធខណ្ឌពោធិសែនជ័យ ៕ (កែសម្រួលដោយ ៖ បុប្ផា)
ចែករំលែកព័តមាននេះ