ការគេងលក់នៅពេលយប់ដ៏ល្អមួយមានសារៈសំខាន់ដូចការហាត់ប្រាណទៀងទាត់ និងរបបបអាហារមានតុល្យភាពដែរ។ ការស្រាវជ្រាវបានបង្ហាញថា ការគេងមិនគ្រប់គ្រាន់មានឥទ្ធិពលអវិជ្ជមានភ្លាមៗចំពោះអ័រម៉ូន ការហាត់ប្រាណ និងមុខងារខួរក្បាល។ វាក៏អាចធ្វើឲ្យឡើងទម្ងន់ និងប្រឈមកាន់តែខ្លាំងនឹងជំងឺទាំងកូនក្មេង និងមនុស្សធំ។ ដូច្នេះខាងក្រោមនេះ ខ្ញុំសូមណែនាំវិធីខ្លះដែលអាចជួយឲ្យគេងលក់កាន់តែស្រួល៖
១-កុំញ៉ាំគ្រឿងស្រវឹង ៖ ការញ៉ាំគ្រឿងស្រវឹងពីរបីកំប៉ុងនៅពេលយប់អាចមានឥទ្ធិពលអវិជ្ជមានចំពោះការគេង និងអ័រម៉ូន។ គ្រឿងស្រវឹងក៏ត្រូវបានគេដឹងថា ជាមូលហេតុ ឬមានអាការៈច្រើននៃការគេងបាត់ដង្ហើម គេងស្រមុក និងរំខានការគេង។ វាក៏ធ្វើឲ្យផ្លាស់ប្តូរការផលិតអ័រម៉ូន Melatonin នៅពេលយប់ដែរ ព្រោះវាមាននាទីសំខាន់ជួយឲ្យងងុយគេង។ ការសិក្សាផ្សេងមួយទៀតបានរកឃើញថា ការញ៉ាំគ្រឿងស្រវឹងនៅពេលយប់អាចបន្ថយការកើនឡើងអ័រម៉ូនលូតលាស់នៅពេលយប់ទៀត។
២-សម្រួលដល់បរិយាកាសក្នុងបន្ទប់គេង ៖ មនុស្សភាគច្រើនជឿថា បរិយាកាសក្នុងបន្ទប់គេង និងការកែសម្រួលក្នុងបន្ទប់គឺជាកត្តាដ៏សំខាន់ក្នុងការទទួលបានការគេងពេលយប់ដ៏ល្អ។ កត្តាទាំងនេះរួមមាន សីតុណ្ហភាព សម្លេង ពន្លឺ និងការរៀបចំគ្រឿងសង្ហារឹម។ ការសិក្សាមួយចំនួនបានបញ្ជាក់ថា សម្លេងខាងក្រៅ ដែលច្រើនមកពីចរាចរណ៍ អាចបណ្តាលឲ្យគេងមិនបានគ្រប់គ្រាន់ និងមានបញ្ហាដល់សុខភាពរយៈពេលវែង។
៣-រៀបចំសីតុណ្ហភាពក្នុងបន្ទប់គេង ៖ សីតុណ្ហភាពរាងកាយ និងបន្ទបប់គេងក៏អាចមានឥទ្ធិពពលទៅលើគុណភាពនៃការគេងដែរ។ នៅពេលអ្នកស្ថិតក្នុងកន្លែងដែលក្តៅ វាអាចនឹងពិបាកខ្លាំងក្នុងការគេងលក់នៅពេលយប់។ តាមការសិក្សាមួយបានឲ្យដឹងថា សីតុណ្ហភាពក្នុងបន្ទប់ប៉ះបាល់ទៅលើគុណភាពនៃការគេងជាងសម្លេងពីខាងក្រៅទៅទៀត។ ការសិក្សាផ្សេងទៀតបានបង្ហាញថា កាលណាសីតុណ្ហភាពរាងកាយ និងបន្ទប់គេងកើនឡើងអាចបន្ថយគុណភាពនៃការគេងបាន។ សីតុណ្ហភាពក្នុងបន្ទប់គេងដែលល្អគួរតែត្រឹម ២០អង្សារ។
៤-កុំញ៉ាំអាហារពេលយប់ជ្រៅ ៖ ការញ៉ាំអាហារពេលយប់ជ្រៅប្រហែលជាមានឥទ្ធិពលអវិជ្ជមានទាំងគុណភាពនៃការគេង និងការបញ្ចេញអ័រម៉ូនលូតលាស់ ព្រមទាំង Melatonin។ តាមការសិក្សាមួយបានឲ្យដឹងថា អាហារមានជាតិកាបូអ៊ីដ្រាតខ្ពស់ដែលញ៉ាំ ៤ម៉ោងមុនគេង អាចជួយឲ្យយើងគេងលក់កាន់តែលឿន។ អ្វីដែលគួរឲ្យចាប់អារម្មណ៍នោះគឺថា ការសិក្សាមួយបានរកឃើញថា របបអាហារមានកាបូអ៊ីដ្រាតទាបបក៏ពង្រឹងដល់ការគេងដែរ។
៥-ត្រូវមានគ្រែ កម្រាល និងខ្នើយដែលមានផាសុកភាព ៖ អ្នកខ្លះឆ្ងល់ថាហេតុអ្វីបានជាពពួកគេគេងលក់ស្រួលក្នុងអូតែល។ ក្រៅពីមជ្ឈដ្ឋានជុំវិញផ្តល់ផាសុកភាព គុណភាពគ្រែក៏មានឥទ្ធិពលចំពោះការគេងដែរ។ តាមការសិក្សាមួយដែលពិនិត្យទៅលើអត្ថប្រយោជន៍ នៃកម្រាលថ្មីរយៈពេល ២៨ថ្ងៃ បានរកឃើញថា វាអាចបន្ថយការឈឺខ្នងបាន ៥៧ភាគរយ ឈឺស្មាបាន ៦០ភាគរយ និងជាប់ខ្នង់បាន ៥៩ភាគរយ។ វាក៏ពង្រឹងដល់គុណភាពនៃការគេងបាន ៦០ភាគរយដែរ។ យកល្អគួរតែធ្វើបច្ចុប្បន្នភាពគ្រែគេងយ៉ាងហោចណាស់ជារៀងរាល់ ៥ ទៅ៨ឆ្នាំម្តង។
៦-ហាត់ប្រាណជាទៀងទាត់ ប៉ុន្តែកុំហាត់មុនគេង ៖ ការហាត់ប្រាណគឺជាផ្នែកមួយដ៏សំខាន់បំផុតសម្រាប់ពង្រឹងដល់ការគេង និងសុខភាព។ វានឹងជួយជំរុញដល់លក្ខណៈទាំងអស់នៃការគេង និងត្រូវបានប្រើប្រាស់ដើម្បីបន្ថយការគេងមិនលក់។
ការសិក្សាមួយដែលធ្វើទៅលើមនុស្សចាស់បានបញ្ជាក់ថា ការហាត់ប្រាណប្រហែល កន្លះម៉ោងអាចជំរុញឲ្យងងុយគេងបាន។ សម្រាបប់អ្នកដែលគេងមិនលក់ធ្ងន់ធ្ងរ ការហាត់ប្រាណអាចផ្តល់ប្រសិទ្ធភាពជាងថ្នាំព្យាបាលទៅទៀត។
ការហាត់ប្រាណអាចបបន្ថយរយៈពេលនៃការគេងបាន ៥៥ភាគរយ ការភ្ញាក់ពីគេងសរុបបាន ៣០ភាគរយ និងការថប់អារម្មណ៍បាន ១៥ភាគរយ និងបង្កើនរយៈពេលនៃការគេងបាន ១៨ភាគរយ។ ថ្វីបើការហាត់ប្រាណប្រចាំថ្ងៃគឺជាគន្លឹះសំខាន់សម្រាប់ការគេងលក់ស្រួលនៅពេលយប់ក៏ដោយ តែបើហាត់យប់ពេកអាចប៉ះពាល់ដល់ការគេងវិញបាន (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ