សម្រាប់មនុស្សមួយចំនួន ការសុំឡើងប្រាក់ខែ ប្រៀបបានជាឧបសគ្គធំមួយក្នុងការងារ ។ ជាក់ស្តែង វាជាសិទ្ធិរបស់បុគ្គលិកក្នុងការទាមទារ និងចរចា ដើម្បីបានអ្វីដែលខ្លួនគិតថា ខ្លួនស័ក្តិសមនឹងទទួលបាន ប៉ុន្តែពេលខ្លះវាអាចកើតមានឡើងដោយមិនសមហេតុសមផល…
សម្រាប់មនុស្សមួយចំនួន ការសុំឡើងប្រាក់ខែ ប្រៀបបានជាឧបសគ្គធំមួយក្នុងការងារ ។ ជាក់ស្តែង វាជាសិទ្ធិរបស់បុគ្គលិកក្នុងការទាមទារ និងចរចា ដើម្បីបានអ្វីដែលខ្លួនគិតថា ខ្លួនស័ក្តិសមនឹងទទួលបាន ប៉ុន្តែពេលខ្លះវាអាចកើតមានឡើងដោយមិនសមហេតុសមផល ។
ដូច្នេះមុនពេលសុំក្រុមហ៊ុន ឬស្ថាប័នការងាររបស់អ្នកឡើងប្រាក់ខែ អ្នកគួរតែពិចារណាលើចំណុចសំខាន់ៗខាងក្រោមនេះជាមុនសិន ៖
១. មានពេលដែលល្អ និងមិនល្អសម្រាប់ការសុំ ៖
ពេលវេលា គឺពិតជាសំខាន់ណាស់ ហើយពេលដែលល្អបំផុត បន្ទាប់ពីពេលដែលមានការវាយតម្លៃលើលទ្ធផលការងាររបស់បុគ្គលិក ឬក្នុងករណីពិសេសមួយចំនួនដូចជា សមាជិកក្រុមរបស់អ្នកបានចាកចេញ ហើយអ្នកទទួលបានការងារច្រើនជាងមុន ឬប្រាក់បៀវត្សរ៍របស់អ្នកមានកម្រិតក្រោមកម្រិតទីផ្សារជាដើម ។
២. ធ្វើការស្រាវជ្រាវ តែយល់ដឹងពីកម្រិតខ្ពស់បំផុត ៖
នរណាក៏ចង់បានប្រាក់បៀវត្សរ៍ខ្ពស់ដែរ ប៉ុន្តែការចរចារបស់អ្នកនឹងមានឱកាសជោគជ័យច្រើនប្រសិនបើអ្នកយល់ច្បាស់ពីទីផ្សារ និងទំនៀមទម្លាប់របស់ក្រុមហ៊ុនរបស់អ្នក ។ មុនពេលចាប់ផ្តើមការចរចា អ្នកគួរតែធ្វើការស្រាវជ្រាវឲ្យបានច្បាស់ជាមុនសិន ។ ទោះជាអ្នកនៅធ្វើការឲ្យក្រុមហ៊ុន ឬស្ថាប័នរបស់អ្នកជាយូរឆ្នាំហើយក៏ពិតមែន អ្នកមិនអាចទទួលបានប្រាក់ខែច្រើនពេ កទេលុះត្រាតែតួនាទីរបស់អ្នកផ្លាស់ប្តូរ ។
៣. បង្ហាញពីតម្លៃរបស់អ្នកជាមុនសិន ៖
ជំនឿចិត្ត គឺជាឧបករណ៍ល្អបំផុតសម្រាប់អ្នក ប៉ុន្តែចូរកុំមានមោទនភាពលើខ្លួនពេក ។ ជំនឿចិត្តរបស់អ្នកគួរតែមានសកម្មភាព និងលទ្ធផលមកបញ្ជាក់ផងដែរ ដូច្នេះអ្នកត្រូវមានភស្តុតាងជាមុនសិនថា អ្នកពិតជាមនុស្សដ៏មានតម្លៃសម្រាប់ក្រុមហ៊ុនពិតមែន ។
៤. ពិនិត្យទឹកដមសំឡេង ៖
យុទ្ធសាស្ត្រដែលមិនល្អជាងគេក្នុងការចរចាឡើងរប្រាក់ខែ គឺការប្រកាន់ទស្សនៈ ខ្ញុំ និងពួកគេ។ ផ្ទុយមកវិញ អ្នកគួរតែរក្សាភាពបើកទូលាយក្នុងការចរចាដែលអនុញ្ញាតឲ្យភាគីខាងក្រុមហ៊ុនសហការជាមួយអ្នក ដើម្បីរកដំណោះស្រាយបាន ៕ ដកស្រង់ចេញពីវេបសាយ ៖ cnbc (កែសម្រួលដោយ ៖ បុប្ផា)
ចែករំលែកព័តមាននេះ