វៀតណាម ៖ ក្រុមហ៊ុនវាយនភណ្ឌ និងសម្លៀកបំពាក់ជាតិវៀតណាម (VINATEX) បានឱ្យដឹងថា អ្នកផលិតវាយនភណ្ឌកំពុងបង្កើនម៉ាស់ការពារ ដើម្បីប្រយុទ្ធប្រឆាំងនឹងការរីករាលដាលនៃមេរោគឆ្លងវីរុសថ្មី (COVID-19)។ ក្រុមនេះ…
វៀតណាម ៖ ក្រុមហ៊ុនវាយនភណ្ឌ និងសម្លៀកបំពាក់ជាតិវៀតណាម (VINATEX) បានឱ្យដឹងថា អ្នកផលិតវាយនភណ្ឌកំពុងបង្កើនម៉ាស់ការពារ ដើម្បីប្រយុទ្ធប្រឆាំងនឹងការរីករាលដាលនៃមេរោគឆ្លងវីរុសថ្មី (COVID-19)។
ក្រុមនេះ បានកំណត់គោលដៅដើម្បីធ្វើម៉ាស់ការពារឱ្យបានពី៥.៥លាន ទៅ៦លាន នៅចុងខែកុម្ភៈនេះ ខណៈដែលរក្សាការផ្គត់ផ្គង់កប្បាសប្រឆាំងនឹងបាក់តេរី១០តោន ជាប្រចាំសម្រាប់រោងចក្រផលិតម៉ាស់វេជ្ជសាស្ត្រនៅទូទាំងប្រទេស ដែលអាចផលិតម៉ាស់បានរហូតដល់ទៅ៣លានជារៀងរាល់ថ្ងៃ ។
គេបាននិយាយថា រោងចក្របានងាកមករកការផលិតម៉ាស់ ក្រោយពីមានការផ្ទុះវីរុសនៅប្រទេសចិន។ គេរំពឹងថា នឹងផលិតម៉ាស់ឱ្យមានគុណភាពល្អ និងតម្លៃសមរម្យមិនលើសលប់ខ្លាំងពេក ។
នៅពេទ្យ សាលារៀន ក្រុមហ៊ុនអាកាសចរណ៍ និង កងទ័ព នឹងត្រូវបានផ្តល់អាទិភាពក្នុងការទទួលបានការផ្គត់ផ្គង់ម៉ាស់។ មានតែ ១០% នៃផលិតកម្មប៉ុណ្ណោះ ដែលនឹងត្រូវលក់ដោយផ្ទាល់នៅតាមកន្លែងដែលបានជ្រើសរើស។
សហគ្រាសនេះ បាននិយាយថា ក្រុមហ៊ុនមួយចំនួនរបស់ខ្លួន កំពុងបង្កើតប្រតិបតិ្តការសម្រាប់ការធ្វើម៉ាស់ការពារ ហើយលទ្ធផលនៅតែអាចត្រូវបានធ្វើឱ្យប្រសើរឡើងដល់១២លានម៉ាស់ក្នុងមួយខែ គិតត្រឹមខែ
មីណាខាងមុខនេះ ។
ចែករំលែកព័តមាននេះ