សង្គ្រាមអ៉ីរ៉ង់ ៖ ជាមួយសង្គ្រាមអ៉ីរ៉ង់ ប្រជាប្រិយភាពរបស់ប្រធានាធិបតីអាមេរិកលោកដូណាល់ត្រាំកំពុងតែធ្លាក់ចុះទាបបំផុត ដែលប្រធានាធិបតីមុនៗពុំធា្លប់ជួបប្រទះ ។ មុនផុតកំណត់ឱសានវាទរបស់លោកចំពោះអ៉ីរ៉ង់ ប្រជាប្រិយភាពរបស់លោកបានដាំក្បាលចុះ មកដល់តួលេខមួយដែលទាបបំផុត សម្រាប់ប្រធានាធិបតីមួយរូប…
សង្គ្រាមអ៉ីរ៉ង់ ៖ ជាមួយសង្គ្រាមអ៉ីរ៉ង់ ប្រជាប្រិយភាពរបស់ប្រធានាធិបតីអាមេរិកលោកដូណាល់ត្រាំកំពុងតែធ្លាក់ចុះទាបបំផុត ដែលប្រធានាធិបតីមុនៗពុំធា្លប់ជួបប្រទះ ។ មុនផុតកំណត់ឱសានវាទរបស់លោកចំពោះអ៉ីរ៉ង់ ប្រជាប្រិយភាពរបស់លោកបានដាំក្បាលចុះ មកដល់តួលេខមួយដែលទាបបំផុត សម្រាប់ប្រធានាធិបតីមួយរូប ក្នុងដំណាក់កាលនេះនៃអាណត្តិរបស់លោក ។ នេះបើតាមការលើកឡើងរបស់អ្នកធ្វើប្រជាមតិដ៏ល្បីម្នាក់លោកG. ELLIOTT MORRIS។
ក្នុងសុន្ទរកថាដ៏ច្របូលច្របល់របស់លោក កាលពីថ្ងៃទី១ មេសា បង្ហាញថា លើកនេះ លោកគ្មានការអះអាងគួរឲ្យជឿជាក់ឡើយដែលថា អាមេរិកជាអ្នកឈ្នះជាងពេលណាទាំងអស់ ក្រោយកងទ័ពអ៉ីរ់ង់បាញ់ធ្លាក់យន្តហោះចម្បាំងអាមេរិកមួយគ្រឿងក្នុងទឹកដីអ៉ីរ៉ង់ នាំឲ្យលោកបាក់អំនួត។ ពេលនេះ ពលរដ្ឋអាមេរិកកាន់តែច្រើនឡើងកំពុងតែបាត់ជំនឿលើលោកត្រាំ ។ លោកមិនដែល
លើកហេតុផលណាមួយឲ្យច្បាស់លាស់ឡើយ សម្រាប់សង្គ្រាម និងគ្មានផែនការណាមួយ ដើម្បីបញ្ចប់សង្គ្រាមនោះ ឬដោះស្រាយការរាំងស្ទះខាងសេដ្ឋកិច្ចមកពីសង្គ្រាមនេះ ។ ជាលទ្ធផល តម្លៃភាគហ៊ុនដាំក្បាលចុះ ហើយតម្លៃប្រេងកាតកាន់តែឡើងខ្ពស់កប់ពពក ។
សុន្ទរកថាខាងលើនោះបង្ហាញថា លោកត្រាំកំពុងតែជាប់ផុង ។ លោកមិនហ៊ានទទួលស្គាល់កំហុសរបស់លោក ដែលវាយប្រហារអ៉ីរ៉ង់ ទាំងគ្មានផែនការដំបូង ឬកែប្រែសភាពការណ៍។ ជំនួសមកវិញ លោកអះអាងនាពេលនេះថា នោះជាបញ្ហារបស់អ្នកណាមួយផ្សេងទៀតហើយក្នុងសុន្ទរកថានោះ លោកអំពាវនាវដល់បណ្ដាប្រទេសអឹរ៉ុប និងអាស៊ីឲ្យជួយលោក ។ ដោយមិនអាចទៅរួចការជ្រើសរើសដទៃៗទៀត ហាក់ដូចជាអស់សង្ឃឹម ។
ចំណែកអ្នកវិភាគម្នាក់ទៀត លោកRORY JOHNSTON ថ្លែងថា លោកត្រាំអាចបង្កើនជម្លោះ និងឲ្យកងទ័ពជើងគោកវាយលុកក្នុងដែនដីអ៉ីរ៉ង់ ដែលបែបនេះនឹងធ្វើឲ្យវិបត្តិថាមពលកាន់តែធ្ងន់ធ្ងរប្រកបដោយគ្រោះមហន្តរាយថែមទៀត។ ឬមួយលោកត្រាំជ្រើសរើសការធ្វើឲ្យមានភាពធូរស្រាលជាឯកតោភាគី ដោយទុកឲ្យអ៉ីរ៉ង់បង្កើតរបបគ្រប់គ្រងច្រកសមុទ្រហ័រមូស ។ សភាពការណ៍កាន់តែអាក្រក់ថែមទៀត សម្រាប់លោកត្រាំ ក្នុងអាណត្តិទី២ព្រោះតែការផ្ដួចផ្ដើមគំនិតមួយចំនួនរបស់លោកនាំឲ្យធ្លាក់ប្រជាប្រិយភាព ។
ការយកពន្ធគយខ្ពស់របស់លោកពេលនេះគេយល់ថា ផ្ទុយនឹងរដ្ឋធម្មនុញ្ញនាំំឲ្យទីផ្សារច្របូកច្របល់ភ្លាមៗ ។ យុទ្ធនាការចាប់បណ្ដេញពួកអន្តោប្រវេសន៍ដ៏ច្រើន និងការដាក់ពង្រោយកងឆ្មាំព្រំដែនក្នុងបណ្ដាទីក្រុងអាមេរិក នាំឲ្យប្រជាប្រិយភាពរបស់លោកធ្លាក់ចុះហើយការកាត់បន្ថយការចំណាយខាងសុខភាព នាំឲ្យពលរដ្ឋអាមេរិកច្រើនលាននាក់ រងការបាត់បង់ជំនួយខាងសុខភាព ពេលដែលទំនិញ្សព្វសារពើឡើងថ្លៃកាន់តែខ្ពស់ ៕
ចែករំលែកព័តមាននេះ